| e-texts navigator |
| Wylie |
151a1 མ་མཆིས་པ་ལགས་ཏེ། དེ་བུའི་མཐའ་གང་ལགས་པ་དེ་ལ་ནི་ཚུར་མཆི་བ་འམ། པར་མཆི་བ་མ་མཆིས་ཏེ། བཅོམ་ལྡན་འདས་དེ་ལྟ་བུའི་མཐའ་ཅན་གྱི། བཙུན།
151a2 པ་ཤཱ་རིའི་བུ་དེ་ནི་ཚུར་མཆི་བ་འམ། ནང་ན་མཆི་བའི་མི་རིགས་ལགས་སོ།། བཀའ་སྩལ་པ། འཇམ་དཔལ་གལ་ཏེ་ང་གནས་ཁང་གི་ནང་ན་ཉན་ཐོས་དག་དང་ལྷན་ཅིག་ཏུ་གཏམ་ཟེར་ཞིང་འདུག
151a3 ལ། ཁྱོད་ནི་ཕྱི་རོལ་ན་འདུག་སྟེ། ནང་དུ་འོང་དུའང་མི་དབང་ན། ཅི་ཁྱོད་སྡུག་བསྔལ་བར་མི་འགྱུར་རམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། དེ་ཅིའི་སླད་དུ་ཞེ་ན། ཆོས
151a4 ཐམས་ཅད་ནི་ཆོས་ཀྱི་དབྱིངས་སུ་ཡང་དག་པར་འདུ་བའི་སླད་དུ་སྟེ། འདི་ནི་དེ་བཞིན་གཤེགས་པ་ཞེས་བརྗོད་པ་གང་ལགས་པ་འདིའང་ཆོས་ཀྱི་དབྱིངས་ལགས་ཏེ། མཚན་ཉིད་གཅིག་པའི་སླད་དུ།
151a5 དེ་བཞིན་གཤེགས་པའང་གཞན་ལ། ཆོས་ཀྱི་དབྱིངས་ཀྱང་གཞན་མ་ལགས་སོ།། ཆོས་སམ་ཆོས་བསྟན་པ་ཞེས་བགྱི་བ་འམ། ཆོས་ཉན་པ་ཞེས་བགྱི་བའི་ཆོས་འདི་དག་ཀྱང་གཉིས་སུ་མ་མཆིས
151a6 བའི་སླད་དུ་ཐ་དད་པ་མ་མཆིས་ཏེ། དེའི་སླད་དུའང་ཆོས་ཀྱི་དབྱིངས་ལས་ཐ་དད་པ་མ་ལགས་སོ།། འཇམ་དཔལ་ཞེས་བགྱི་བའི་ཡི་གེ་གང་ལགས་པ་འདི་དག་ཀྱང་ཆོས་ཀྱི་དབྱིངས་སུ་གཏོགས་ཏེ
151a7 བཅོམ་ལྡན་འདས་རྣམ་གྲངས་དེས་ན་བདག་ཅུང་ཟད་ཀྱང་གདུང་བ་མ་མཆིས་ལགས་སོ། ། བཅོམ་ལྡན་འདས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་ཆོས་སྟོན་དུ་ལགས་ཀྱང་། བདག་དེར་མཆི་ཡང་མི
iiif viewer powered by OpenSeadragon
