| e-texts navigator |
| Wylie |
150a1 སོ།། དེ་བཞིན་གཤེགས་པ་བསམ་གྱིས་མི་ཁྱབ་པའི་སླད་དུ་ཆོས་ཐམས་ཅད་བསམ་གྱིས་མི་ཁྱབ་པ་འདི་ནི་རྡོ་རྗེའི་གཞི་ལགས་ཏེ། ཅིའི་སླད་དུ་རྡོ་རྗེའི་གཞི་ཞེས་བགྱི་ཞེ་ན།
150a2 ཆོས་ཐམས་ཅད་སེམས་མ་མཆིས་པའི་སླད་དུ་ལགས་སོ།། ཆོས་ཐམས་ཅད་བྱང་ཆུབ་ཅེས་བགྱི་བ་འདི་ནི་རྡོ་རྗེའི་གཞི་ལགས་ཏེ། ཅིའི་སླད་དུ་ཞེ་ན། ཆོས་ཐམས་ཅད་བརྗོད་དུ་མ་མཆིས
150a3 པའི་སླད་དུ་སྟེ། འདི་ན་མིང་གང་དང་གང་གིས་ཆོས་གང་དང་གང་བརྗོད་པའི་ཆོས་དེ་དང་དེ། ཆོས་དེ་དང་དེ་ལ་མ་མཆིས་ལགས་སོ།། གང་མ་མཆིས་པ་དེ་ནི་སྟོང་པ་ལགས་སོ།། གང
150a4 སྟོང་པ་དེ་ནི་མེད་པ་ལགས་སོ། ། གང་མེད་པ་ནི་བརྗོད་པའི་རྔོ་མི་ཐོགས་པ་ལགས་སོ།། བརྗོད་དུ་མ་མཆིས་པ་ནི་བྱང་ཆུབ་ལགས་ཏེ། དེའི་སླད་དུ་འདི་ནི་རྡོ་རྗེའི་གཞི་ལགས་སོ།། ཆོས་ཐམས
150a5 ནི་དེ་བཞིན་གཤེགས་པའི་ཡུལ་ལགས་ཏེ། འདི་ནི་རྡོ་རྗེའི་གཞི་ལགས་སོ།། བཀའ་སྩལ་པ། ཅིའི་ཕྱིར་རྡོ་རྗེའི་གཞི་ཞེས་བྱ། གསོལ་པ། བཅོམ་ལྡན་འདས་ཆོས་ཐམས་ཅད
150a6 ནི་རང་གི་ཡུལ་ལས་དབེན་པ་ལགས་ཏེ། དེའི་སླད་དུ་འདི་རྡོ་རྗེའི་གཞི་ལེགས་སོ།། བཀའ་སྩལ་པ། འཇམ་དཔལ་དགེ་སློང་ཀུན་དགའ་བོ་དེའང་ཆོས་ཀྱི་རྣམ་གྲངས་འདི་ཀུན་འཛིན་པར་འགྱུར
150a7 ན། འདིར་འོང་བའི་མཚན་མ་ངས་བྱ་འམ། གསོལ་པ། བཅོམ་ལྡན་འདས་འདི་ནི་ཆོས་བརྗོད་པ་འམ། བསྟན་པ་མཆིས་ལགས་སམ། བདག་གིས་ནི་ཡི་གེ་གཅིག་ཀྱང་བསྟན་པར་ཡང
iiif viewer powered by OpenSeadragon
