| e-texts navigator |
| Wylie |
149b1 ལྟ་ག་ལ་དམིགས་ལགས། བཀའ་སྩལ་པ། འཇམ་དཔལ་དེ་བཞིན་གཤེགས་པ་ཆོས་གནས་པར་བཞེད་ཀྱིས། ཁྱོད་སྤོབས་པར་གྱིས་ཤིག། གསོལ་བ། ཅི་ཞིག་ལས་བརྩམས
149b2 སྤོབས་པར་བགྱི་ལགས། བཀའ་སྩལ་པ། ཆོས་ཀྱི་དབྱིངས་ལས་རྩོམས་ཤིག། གསོལ་པ། བཅོམ་ལྡན་འདས་གང་ཆོས་ཀྱི་དབྱིངས་མ་ལགས་པའི་ཆོས་དེ་བདག་གིས་ཡང་དག་པར
149b3 རྗེས་སུ་མ་མཐོང་ལགས་སོ། ། བཀའ་སྩལ་པ། འཇམ་དཔལ་མངོན་པའི་ང་རྒྱལ་ཅན་རྣམས་སྐྲག་པར་འགྱུར་རོ།། གསོལ་པ། བཅོམ་ལྡན་འདས་གལ་ཏེ་ཡང་དག་པའི་མཐའ་སྐྲག་པར
149b4 འགྱུར་ན་ནི། དེའི་སླད་དུ་མངོན་པའི་ང་རྒྱལ་ཅན་ཡང་སྐྲག་པར་འགྱུར་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་ཡང་དག་པའི་མཐའ་ཡང་གཞན་ལ། མངོན་པའི་ང་རྒྱལ
149b5 ཅན་ཡང་གཞན་པ་ནི་མ་ལགས་ཀྱིས། མངོན་པའི་ང་རྒྱལ་ཅན་རྣམས་ཀྱི་མཐའ་གང་ལགས་པའི་མཐའ་དེ་ཉིད་ཡང་དག་པའི་མཐའ་ལགས་ལ། ཡང་དག་པའི་མཐའ་གང་ལགས་པ་དེའང་ཆོས
149b6 ཐམས་ཅད་ཀྱི་མཐའ་ལགས་ཏེ། དེའི་སླད་དུ་མི་སྐྲག་ལགས་སོ།། ཆོས་ཐམས་ཅད་ཡང་དག་པར་མ་བསྒྲུབས་པ་ཞེས་བགྱི་བ་འདི་ནི་རྡོ་རྗེའི་གཞི་ལགས་སོ།། བཅོམ་ལྡན་འདས་ཀྱིས
149b7 བཀའ་སྩལ་པ། འཇམ་དཔལ་ཅིའི་ཕྱིར་ན། འདི་རྡོ་རྗེའི་གཞི་ཞེས་བྱ། གསོལ་པ། བཅོམ་ལྡན་འདས་ཆོས་ཐམས་ཅད་ནི་མི་ཕྱེད་པ་ལགས་ཏེ། དེའི་སླད་དུ་འདི་རྡོ་རྗེའི་གཞི་ལགས།
iiif viewer powered by OpenSeadragon
