| e-texts navigator |
| Wylie |
147a1 ལ་ནི། འདི་ནི་འབྲུ་ཆེ་གེ་མོ་ཞིག་གི་ཕུང་པོའོ།། འདི་ནི་ཆེ་གེ་མོ་ཞེ་འམ་ག་གེ་ཞེས་གདགས་སུ་ཡོད་པ་བཞིན་དུ། ཆོས་ཀྱི་དབྱིངས་ལ་ནི་འདི་དག་ནི་སོ་སོའི་སྐྱེ་བོའི་ཆོས་རྣམས་སོ་ན།
147a2 འམ། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། སངས་རྒྱས་ཀྱི་ཆོས་རྣམས་སོ་ཞེས་ཐ་དད་པར་མི་ནུས་སོ།། འཇམ་དཔལ་འདི་ལྟ་སྟེ། དཔེར་ན་འབྲུའི་ཕུང་པོ་སྣ་ཚོགས
147a3 ལ་ནི། འདི་ནི་འབྲུ་ཆེ་གེ་མོ་ཞིག་གི་ཕུང་པོའོ།། འདི་ནི་ཆེ་གེ་མོ་ཞིག་གི་ཞེས་གདགས་སུ་ཡོད་པ་བཞིན་དུ། ཆོས་ཀྱི་དབྱིངས་ལ་ནི་འདི་དག་ནི་སོ་སོའི་སྐྱེ་བོའི་ཆོས་རྣམས་སོ།། འདི་དག་ནི་དགྲ་བཅོམ
147a4 པའི་ཆོས་རྣམས་སོ། ། འདི་དག་ནི་རང་སངས་རྒྱས་ཀྱི་ཆོས་རྣམས་སོ།། འདི་དག་ནི་བྱང་ཆུབ་སེམས་དཔའི་ཆོས་རྣམས་སོ།། འདི་དག་ནི་སངས་རྒྱས་ཀྱི་ཆོས་རྣམས་སོ།། ཞེས་ཐ་དད་པར་གདགས
147a5 པར་མི་ནུས་སོ། ། འདི་ནི་ཆོས་ཀྱི་དབྱིངས་ཏེ། དེ་ནི་འདི་ན་འདུག་གོ་ཞེ་འམ། ག་གེ་མོ་ཞིག་ན་འདུག་གོ་ཞེས་དེ་ལྟར་བསྟན་པ་འམ། གདགས་པར་མི་ནུས་སོ།། དེ་ཅིའི་ཕྱིར་ཞེ་ན། འདི་ལྟར་ཆོས
147a6 ཀྱི་དབྱིངས་ནི་བལྟར་མི་མཐོང་ཞིང་བསྟན་དུ་མེད་དེ། གདགས་པར་བྱ་བ་མ་ཡིན་ཞིང་། གདགས་པ་ལས་ཡང་དག་པར་འདས་པའི་ཕྱིར་རོ།། འགྲོ་བ་འདི་དེ་ལྟ་བུའི་དབྱིངས་ཡིན་པར་ངས་ཇི་སྐད་བསྟན་པ
147a7 ལ་གལ་ཏེ་མཚམས་མེད་པ་བྱེད་པ་དེ་ལྟར་མོས་ཏེ། མཚམས་མེད་པའང་དེ་ལྟ་བུའི་དབྱིངས་ཡིན་པར་ཤེས་ན་དེ་ཀུན་ནས་ཉོན་མོངས་པ་ཅན་དུ་མི་འགྱུར་རོ།། དེ་ཅིའི་ཕྱིར་ཞེ་ན། འཇམ་དཔལ་མཚམས
iiif viewer powered by OpenSeadragon
