| e-texts navigator |
| Wylie |
146b1 ཆོས་གང་ཡང་མ་བཤིག་མ་བསྐྱེད་པ་དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། ། འཇམ་དཔལ་སངས་རྒྱས་ཉིད་ཅེས་བྱ་བ་དེ་ནི་ཆོས་ཀྱི་དབྱིངས་ཀྱི་ཚིག་བླ།
146b2 དགས་སོ།། སྟོབས་རྣམས་དང་། མི་འཇིགས་པ་རྣམས་དང་། མ་འདྲེས་པ་ལ་ཐུག་པའི་སངས་རྒྱས་ཀྱི་ཆོས་གང་དག་ཡིན་པ་དེ་དག་ཀྱང་ཆོས་ཀྱི་དབྱིངས་ཁོ་ན་ཡིན་པར་ཁོང་དུ་ཆུད་པར་བྱའོ།།
146b3 ངས་ནི་ཆོས་ཀྱི་དབྱིངས་ལ་འདི་ལྟ་སྟེ། སོ་སོའི་སྐྱེ་བོའི་ཆོས་རྣམས་སམ། དགྲ་བཅོམ་པའི་ཆོས་རྣམས་སམ། རང་སངས་རྒྱས་ཀྱི་ཆོས་རྣམས་སམ། སངས་རྒྱས་ཀྱི་ཆོས་རྣམས་ཀྱང་རུང་སྟེ།
146b4 དག་ཐ་དད་པར་རྗེས་སུ་མ་མཐོང་ངོ་།། དེ་ཅིའི་ཕྱིར་ཞེ་ན། འཇམ་དཔལ་དབྱིངས་དེ་ལ་ནི་བྱེ་བྲག་མེད་དེ། འདི་ལྟ་སྟེ། ཆོས་ཀྱི་དབྱིངས་སོ།། ཆོས་ཀྱི་དབྱིངས་ནི་མ་འདྲེས་པའི་དབྱིངས་སོ།།
146b5 འཇམ་དཔལ་འདི་ལྟ་སྟེ། དཔེར་ན་ཆུ་ཀླུང་མིང་ཐ་དད་པ་དང་། ཁ་དོག་ཐ་དད་པ་དང་། རོ་ཐ་དད་པ་རྒྱ་མཚོའི་ནང་དུ་བབ་པ་རྣམས་ལ་ནི། འདི་ལྟ་སྟེ། འདི་ནི་གངྒཱའོ་ཞེའམ། སི་ཏའོ་ཞེ་འམ
146b6 ཡ་མུ་ནའོ་ཞེས་བྱེ་བྲག་ཏུ་དབྱེ་བ་འམ། ཐ་དད་དུ་བྱར་མི་ནུས་སོ།། འཇམ་དཔལ་དེ་བཞིན་དུ་མིང་ཐ་དད་པའི་ཆོས་རྣམས་ཀྱང་ཆོས་ཀྱི་དབྱིངས་ལ་འདི་ནི་སོ་སོའི་སྐྱེ་བོའི་ཆོས་རྣམས་སོ་ཞེ་འམ། ཉན་ཐོས
146b7 དང་། རང་སངས་རྒྱས་དང་། བྱང་ཆུབ་སེམས་དཔའ་དང་། སངས་རྒྱས་ཀྱི་ཆོས་རྣམས་སོ་ཞེས་ཐ་དད་པར་གདགས་པར་མི་ནུས་སོ།། འཇམ་དཔལ་འདི་ལྟ་སྟེ། དཔེར་ན་འབྲུའི་ཕུང་པོ་སྣ་ཚོགས
iiif viewer powered by OpenSeadragon
