| e-texts navigator |
| Wylie |
146a1 ཀྱི་བུ་མོ་རྣམས་ལ་འཇིག་ཚོགས་དོར་དུ་མ་མཆིས་པར་ཆོས་སྟོན་ལགས་སོ། ། བདག་ནི་འདོད་ཆགས་དང་། ཞེ་སྡང་དང་། གཏི་མུག་རྣམས་སྤང་དུ་མ་མཆིས་པར་ཆོས་སྟོན
146a2 ལགས་སོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་འདི་རྣམས་ཀྱི་རང་བཞིན་གང་ལགས་པ་དེ་ནི་སྤོང་བར་རྔོ་མི་ཐོགས་པའི་སླད་དུ་ལགས་སོ།། བཅོམ་ལྡན་འདས་འཇིག་ཚོགས་སམ
146a3 འཇིག་ཚོགས་ཀུན་འབྱུང་བ་སྤོང་བར་འཚལ་བ་དེ་ནི་ཡང་དག་པའི་མཐའ་སྤོང་བར་བྱས་ཏེ། བཅོམ་ལྡན་འདས་བདག་ནི་ལས་དང་པོ་པའི་རིགས་ཀྱི་བུ་རྣམས་དང་། རིགས་ཀྱི་བུ་མོ་རྣམས་ལ་མངོན་པར་ཞེན
146a4 པ་མ་མཆིས་པའི་ཚུལ་གྱིས་སངས་རྒྱས་ཀྱིས་ཆོས་རྣམས་གཟུང་བར་མི་བགྱི་བ་འམ། མངོན་སུམ་དུ་མི་བགྱི་བ་དང་། སོ་སོའི་སྐྱེ་བོའི་ཆོས་རྣམས་ལྷག་པར་མི་དམིགས་པ་འམ། སྤང་བར་མི་བགྱི
146a5 བ་དེ་ལྟ་བུར་ཆོས་སྟོན་ལགས་ན། གདུལ་བ་ལས་དང་པོ་པ་རྣམས་ལ་བཅོམ་ལྡན་འདས་ཇི་ལྟར་ཆོས་སྟོན་པར་མཛད་ལགས། བཀའ་སྩལ་པ། འཇམ་དཔལ་ང་ནི་གཟུགས་རྣམ་པར་འཇིག་པ་མེད་པ
146a6 དང་། སྐྱེ་བ་མེད་པར་ཆོས་སྟོན་ཏོ།། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྣམ་པར་འཇིག་པ་མེད་པ་དང་། སྐྱེ་བ་མེད་པར་ཆོས་སྟོན་ཏོ།། འདོད
146a7 ཆགས་དང་། ཞེ་སྡང་དང་། གཏི་མུག་རྣམས་རྣམ་པར་འཇིག་པ་མེད་པ་དང་། སྐྱེ་བ་མེད་པ་དང་། བསམ་གྱིས་མི་ཁྱབ་པའི་ཆོས་རྣམས་ཀྱང་། ཐོབ་པ་མེད་པར་ཆོས་སྟོན་ཏོ།། ངས་ནི་འདི་ལྟར
iiif viewer powered by OpenSeadragon
