| e-texts navigator |
| Wylie |
145b1 དེ་ཁོ་ན་ལགས་སོ། ། བཅོམ་ལྡན་འདས་གང་དག་དེ་ལྟར་མོས་པ་དེ་དག་ནི་གང་ལས་ཀྱང་རྣམ་པར་གྲོལ་བ་མ་མཆིས་ལགས་སོ།། གང་དག་གང་ལས་ཀྱང་གྲོལ་བ་མ་མཆིས་པ་དེ་དག་ནི་ལོག་པ་ལས་རྣམ།
145b2 པར་གྲོལ་བ་ལགས་སོ།། གང་དག་ལོག་པ་ལས་རྣམ་པར་གྲོལ་བ་དེ་དག་ནི་ཡང་དག་པར་རྣམ་པར་གྲོལ་བ་ལགས་སོ།། གང་དག་ཡང་དག་པར་རྣམ་པར་གྲོལ་བ་དེ་དག་ནི་སྤྱོད་ཡུལ་མ་ལགས་པ
145b3 ལ་ཞུགས་པ་ལགས་སོ། ། གང་དག་སྤྱོད་ཡུལ་མ་ལགས་པ་ལ་ཞུགས་པ་དེ་དག་ནི་ཡང་དག་པར་ཞུགས་པ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་སྤྱོད་ཡུལ་མ་ལགས་པ་ཞེས
145b4 བགྱི་བ་ནི། སྤྱོད་ཡུལ་དེ་བགྱིས་ལགས་པ་སྟེ། དེའི་སླད་དུ་སྤྱོད་ཡུལ་མ་ལགས་པ་ཞེས་འདོགས་ལགས་སོ།། བཀའ་སྩལ་པ། འཇམ་དཔལ་སྤྱོད་ཡུལ་མ་ཡིན་པ་ཞེས་བྱ་བ་དེ་གང་གི་ཚིག་བླ
145b5 དགས་ཡིན། གསོལ་པ། བཅོམ་ལྡན་འདས་སྤྱོད་ཡུལ་མོ་ལགས་པ་ཞེས་བགྱི་བ་དེ་ནི། ཡང་དག་པའི་མཐའི་ཚིག་བླ་དགས་སོ།། བཀའ་སྩལ་པ། འཇམ་དཔལ་ལམ་བསྒོམ་པ་ཞེས་བྱ
145b6 བདེ་གང་གི་ཚིག་བླ་དགས་ཡིན། གསོལ་པ། བཅོམ་ལྡན་འདས་ལམ་བསྒོམ་པ་ཞེས་བགྱི་བ་དེ་ནི། ལམ་བསྒོམ་པ་མ་མཆིས་པའི་ཚིག་བླ་དགས་ལགས་སོ།། བཀའ་སྩལ་པ། འཇམ
145b7 དཔལ་ཁྱོད་ལས་དང་པོ་པའི་རིགས་ཀྱི་བུ་རྣམས་དང་། རིགས་ཀྱི་བུ་མོ་རྣམས་ལ་ཆོས་ཇི་ལྟར་སྟོན། གསོལ་པ། བཅོམ་ལྡན་འདས་བདག་ནི་ལས་དང་པོ་པའི་རིགས་ཀྱི་བུ་རྣམས་དང་། རིགས
iiif viewer powered by OpenSeadragon
