| e-texts navigator |
| Wylie |
145a1 འཇམ་དཔལ་ངས་ཏིང་ངེ་འཛིན་འདི་ལ་གནས་ནས་གང་ཡང་དག་པའི་མཐའ་མ་ཡིན་པའི་ཆོས་དེ་གང་ཡང་ཡང་དག་པར་རྗེས་སུ་མ་མཐོང་ངོ་།། འཇམ་དཔལ་ཡང་དག་པའི་མཐའི
145a2 ཕྱག་རྒྱ་འདི་ངས་ཕྱག་རྒྱར་བཞག་སྟེ། དད་པ་ཅན་གྱི་རིགས་ཀྱི་བུ་རྣམས་དང་། རིགས་ཀྱི་བུ་མོ་རྣམས་ཀྱིས་ཕྱག་རྒྱ་འདི་ལ་སྤྱད་ན། སྤོབས་པ་མི་ཆོད་པ་འཛིན་པར་འགྱུར་རོ།། གསོལ་བ། བཅོམ
145a3 ལྡན་འདས་བདག་སྤོབས་ལགས་སོ། ། བདེ་བར་གཤེགས་པ་བདག་སྤོབས་ལགས་སོ།། བཀའ་སྩལ་པ། འཇམ་དཔལ་ཁྱོད་སྤོབས་པར་བགྱིས་ཤིག། གསོལ་པ། བཅོམ་ལྡན་འདས་དཔེར
145a4 བགྱི་ན། ནོར་བུ་རིན་པོ་ཆེ་དེ་ཉིད་ངོས་གང་དང་གང་ཁོ་ནས་ཕབ་སྟེ། བཞག་པའི་རིན་པོ་ཆེའི་ངོས་དེ་དང་དེ་ཁོ་ནས་འབབ་ཅིང་གནས་པར་འགྱུར་ལགས་སོ།། བཅོམ་ལྡན་འདས་དེ་བཞིན་དུ། ཆོས
145a5 ཐམས་ཅད་ནི་ཡང་དག་པའི་མཐའ་ཁོ་ནས་གནས་ལགས་སོ། ། བཀའ་སྩལ་པ། འཇམ་དཔལ་ཁྱོད་ཀྱིས་ཡང་དག་པའི་མཐའ་ཤེས་སམ། གསོལ་པ། བཅོམ་ལྡན་འདས་འཚལ་ལགས་སོ།།
145a6 བཀའ་སྩལ་པ། འཇམ་དཔལ་འོ་ན་ཡང་དག་པའི་མཐའ་གང་ན་འདུག། གསོལ་པ། བཅོམ་ལྡན་འདས་ཡང་དག་པའི་མཐའ་ནི་བདག་གི་མཐའ་གང་ན་མཆིས་པ་དེ་ན་མཆིས་ལགས་སོ།།
145a7 ཡང་དག་པའི་མཐའ་ནི་སོ་སོའི་སྐྱེ་བོའི་ཆོས་རྣམས་གང་ན་མཆིས་པ་དེ་ན་མཆིས་ལགས་སོ།། ཡང་དག་པའི་མཐའ་ནི་ལས་སམ། རྣམ་པར་སྨིན་པ་མ་ལགས་ལ། ཆོས་ཐམས་ཅད་ཀྱི་མཐའ་ཡང
iiif viewer powered by OpenSeadragon
