| e-texts navigator |
| Wylie |
144a1 སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་དགེ་སློང
144a2 ལྔ་བརྒྱ་ཐམ་པའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེ་ནས་འཇམ་དཔལ་གཞོན་ནུར་གྱུར་པ་མཚན་མོ་སྲོད་ལ་བཅོམ་ལྡན་འདས་ཀྱི་བཞུགས་ཁང་ག་ལ་བ་དེར་སོང་སྟེ་ཕྱིན་ནས།
144a3 བཞུགས་ཁང་གི་སྒོ་དྲུང་ན་འགྲང་སྟེ། བཅོམ་ལྡན་འདས་ལ་བསྟོད་དོ།། དེའི་ཚེ་བཅོམ་ལྡན་འདས་རིན་པོ་ཆེའི་མཐའ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་སོ།། དེ་ནས་བཅོམ་ལྡན་འདས་དྲན་པ
144a4 དང་མཁྱེན་བཞིན་དུ། ཏིང་ངེ་འཛིན་དེ་ལས་བཞེངས་ནས། འཇམ་དཔལ་གཞོན་ནུར་གྱུར་པ་སྒོ་ན་འདུག་པ་གཟིགས་སོ།། གཟིགས་ནས་ཀྱང་འཇམ་དཔལ་ཁྱོད་ནང་དུ་ཤོག་ཅེས་དེ་སྐད་བཀའ་སྩལ་ཏོ།།
144a5 བཅོམ་ལྡན་འདས་ལེགས་སོ་ལེགས་སོ་ཞེས་གསོལ་ཏེ། འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ཀྱི་ལྟར་མཉན་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱིས
144a6 ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འགྲེང་ངོ་།། འཇམ་དཔལ་གཞོན་ནུར་གྱུར་པ་ཕྱོགས་གཅིག་ཏུ་འགྲེང་བ་དང་། བཅོམ་ལྡན་འདས་ཀྱིས་སྟན་ལ་འདུག་ཅེས་གནང་བ་མཛད་དོ།།
144a7 བཅོམ་ལྡན་འདས་ཀྱིས་གནང་བས། དེ་ནས་འཇམ་དཔལ་གཞོན་ནུར་གྱུར་པ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས
iiif viewer powered by OpenSeadragon
