| e-texts navigator |
| Wylie |
143a1 སྨན་པ་དང་། སྐྱེ་བོ་མང་པོ་ལ་བདེ་བ་དང་། ལྷ་དང་མི་རྣམས་ཀྱི་དོན་དང་། སྨན་པ་དང་། བདེ་བར་བགྱི་བའི་སླད་དུ་བཤད་དུ་གསོལ། དགེ་སློང་གསར་པ་གསར་པ་རྣམས་དང་།
143a2 ཆོས་འདུལ་བ་འདི་ལ་རབ་ཏུ་བྱུང་ནས། རིང་པོ་མ་ལགས་ཤིང་མཆིས་ནས། རིང་པོ་མ་ལགས་པ་རྣམས་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་སྐྱེས་བུ་དམ་པ་འདི་དག་གིས་ཐོས་ན་དགའ་བ་དང་།
143a3 དད་པ་ཐོབ་པར་འགྱུར། བསླབ་པ་དེ་ལའང་སྦྱོར་བར་བརྩོན་པར་གནས་པར་འགྱུར་ལགས་སོ།། དེ་ནས་བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་གང་བཤད་པ་དེ། དགེ་སློང་དེ་དག་ལའང
143a4 བཤད་དོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན་འདས་ལེགས་པར་བཀའ་སྩལ་ཏོ།། བདེ་བར་གཤེགས་པ་ལེགས་པར་བཀའ་སྩལ་ཏོ།།
143a5 མི་མཇེད་ཀྱི་བདག་པོ་ཚངས་པ་མདོ་སྡེ་འདི་ལྟ་བུ་དག་ཡོངས་སུ་ཞུ་བའི་སླད་དུ། བཅོམ་ལྡན་འདས་ཀྱི་ཐད་དུ་མཆིས་ནས། ཞུས་པའང་ལེགས་པར་སྨྲས་པ་ལེགས་སོ།། བཅོམ་ལྡན་འདས་མི་མཇེད་ཀྱི་བདག
143a6 པོ་ཚངས་པས་གལ་ཏེ་དགེ་བའི་རྩ་བ་གཞན་མ་མཆིས་ནའང་། ཞུ་བ་ཞུས་པའི་མོད་ལས་སྐྱེས་པའི་དགེ་བའི་རྩ་བ་འདི་ཁོ་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ
143a7 ལགས་སོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་དགེ་བའི་རྩ་བ་འདིའི་མཐའ་དང་མུ་ནི། ཉན་ཐོས་དང་རང་སངས་རྒྱས་ཐམས་ཅད་ཀྱིས་རྟོགས་པར་རྔོ་མི་ཐོགས་པའི་སླད་དུའོ།། དེ་ཅིའི་སླད་དུ་ཞེ་ན།
iiif viewer powered by OpenSeadragon
