| e-texts navigator |
| Wylie |
142a1 སྐྱོན་མེད་ཞི་བའི་གནས་འཐོབ་བོ།། དགེ་བའི་ཆོས་རྣམས་མི་སྟེན་ཅིང་།། མི་དགེ་ཆོས་རྣམས་སྟེན་བྱེད་པ།། ཆོས་རྣམས་ལ་ནི་མི་མཁས་མི།། སྡུག་བསྔལ་བཟོད་དཀའ
142a2 གནས་འཐོབ་བོ། ། དེ་ནས་མི་མཇེད་ཀྱི་བདག་པོ་ཚངས་པས། ལྷའི་མེ་ཏོག་མནྡ་ར་བ་དག་མངོན་པར་སྤྲུལ་ཏེ། བཅོམ་ལྡན་འདས་ལ་མངོན་པར་གཏོར་ཏོ།། མངོན་པར་གཏོར་ནས་ཀྱང་བཅོམ་ལྡན
142a3 འདས་ཀྱིས་བཀའ་སྩལ་པ་ལ་མངོན་པར་དགའ་ཞིང་རྗེས་སུ་ཡི་རེང་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཐད་ནས་སོང་ངོ་།། དེ་ནས་བཅོམ་ལྡན་འདས་ཀྱིས
142a4 ནམ་ནངས་པར་མཁྱེན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ལ་བཞུགས་སོ།། བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ།
142a5 དགེ་སློང་དག་མདངས་འདིར་མི་ཉལ་ཙམ་གྱི་ནམ་གྱི་གུང་ཐུན་ལ་ང་གཅིག་པུ་དབེན་པར་འདུག་སྟེ། ནང་དུ་ཡང་དག་བཞག་ན། མི་མཇེད་ཀྱི་བདག་པོ་ཚངས་པས་ཐམས་ཅད་དང་ལྡན་པའི་ཚལ་ཆེན་པོ་འོད
142a6 ཀྱིས་སྣང་བར་བྱས་ནས། ངག་ལ་བ་དེར་འོངས་ཏེ་ཕྱིན་ནས། ང་ལ་མངོན་པར་བསྟོད་དེ། ལན་གསུམ་བསྐོར་བ་བྱས་ནས། ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས། མི
142a7 མཇེད་ཀྱི་བདག་པོ་ཚངས་པས། ང་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་ལ་སྐབས་དབྱེ་བར་གནང་ན། བཅོམ་ལྡན་འདས
iiif viewer powered by OpenSeadragon
