| e-texts navigator |
| Wylie |
141b1 ཆོས་རྣམས་ཀྱིས་མངོན་པར་འཕེལ་ཏེ། ཇི་ལྟར་མར་གྱི་ངོ་ལ་ཟླ་བའི་དཀྱིལ་འཁོར་འབྲི་བའི་ཆོས་ཅན་ཡིན་པ་ལྟར། བྱང་ཆུབ་སེམས་དཔའ་ནི་ཆོས་རྣམས་ལས་དེ་ལྟ་མ་ཡིན་ནོ།། དེ་དཔེར་ན་དབྱར་གྱི
141b2 དུས་ཀྱི་ཕུ་ཆུ་བྲུག་པ་ལྟར། དགེ་བའི་ཆོས་རྣམས་ཀྱིས་མངོན་པར་འཕེལ་ཏེ། ཇི་ལྟར་ཕུ་ཆུ་བྲུག་པ་དབྱར་གྱིས་དུས་ཟད་པ་འབྲི་བའི་ཆོས་ཅན་ཡིན་པ་ལྟར། བྱང་ཆུབ་སེམས་དཔའ་ནི་ཆོས་རྣམས་ལས་དེ།
141b3 ལྷ་མ་ཡིན་ནོ།། ཚངས་པ་དེ་ལྟར་བསླབས་པའི་བྱང་ཆུབ་སེམས་དཔའ་ནི་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། དེའི་ཚེ་བཅོམ་ལྡན་འདས་ཀྱིས
141b4 ཚིགས་སུ་བཅད་པ་འདི་དག་བཀའ་སྩལ་ཏོ། ། ལུས་ཀྱི་སྐྱོན་རྣམས་རབ་ཤེས་ན།། ལུས་ཡོད་སྐྱོན་རྣམས་མི་སྟེན་ཏོ།། ལུས་ལ་དྲན་པ་ལེགས་གནས་ན།། སྐྱོན་མེད་ཞི་བའི་གནས་འཐོབ་བོ།།
141b5 ལུས་ཀྱི་སྐྱོན་རྣམས་མི་ཤེས་ན།། ལུས་ལ་ཡོད་པའི་སྐྱོན་མི་རྟོགས།། ལུས་ལ་དྲན་པ་མི་གནས་ན།། སྡུག་བསྔལ་བཟོད་དཀའ་གནས་འཐོབ་བོ།། སེམས་ཀྱི་སྐྱོན་རྣམས་རབ་ཤེས་ན།
141b6 སེམས་ཡོད་སྐྱོན་རྣམས་མི་སྟེན་ཏོ།། སེམས་ལ་དྲན་པ་ལེགས་གནས་ན།། སྐྱོན་མེད་ཞི་བའི་གནས་འཐོབ་བོ།། སེམས་ཀྱི་སྐྱོན་རྣམས་མི་ཤེས་ན།། སེམས་ལ་ཡོད་པའི་སྐྱོན་མི་རྟོགས།།
141b7 སེམས་ལ་དྲན་པ་མི་གནས་ན།། སྡུག་བསྔལ་བཟོད་དཀའ་གནས་འཐོབ་བོ།། དགེ་བའི་ཆོས་རྣམས་སྟེན་བྱེད་ཅིང་།། མི་དགེ་ཆོས་རྣམས་མི་སྟེན་པ།། ཆོས་རྣམས་ལ་ནི་མཁས་པའི་མི།
iiif viewer powered by OpenSeadragon
