| e-texts navigator |
| Wylie |
140a1 དང་། རེག་བྱ་རྣམས་ལའང་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ།། དེ་སའི་ཁམས་ལ་ནི་སྲ་བ་ཉིད་དུའང་རབ་ཏུ་ཤེས་ལ། གཤེར་བ་ཉིད་དང་། ཚ་བ་ཉིད་དང་།
140a2 ཁོང་སྟོང་ཉིད་དུའང་རབ་ཏུ་ཤེས་སོ།། ཆུའི་ཁམས་ལ་གཤེར་བ་ཉིད་དུ་རབ་ཏུ་ཤེས་ལ། སྲ་བ་ཉིད་དང་། ཚ་བ་ཉིད་དང་། ཁོང་སྟོང་ཉིད་དུའང་རབ་ཏུ་ཤེས་སོ།། མེའི་ཁམས་ལ་ཚ་བ་ཉིད་དུའང་རབ
140a3 ཏུ་ཤེས་ལ། སྲ་བ་ཉིད་དང་། གཤེར་བ་ཉིད་དང་། ཁོང་སྟོང་ཉིད་དུའང་རབ་ཏུ་ཤེས་སོ།། རླུང་གི་ཁམས་ལ་གཡོ་བ་ཉིད་དུའང་རབ་ཏུ་ཤེས་ལ། ཡང་ཞིང་གཡོ་བ་ཉིད་དུའང་རབ་ཏུ་ཤེས་སོ།།
140a4 ནམ་མཁའི་ཁམས་ལ་ཁོང་སྟོང་ཉིད་དུའང་རབ་ཏུ་ཤེས་ལ། ཐམས་ཅད་དུ་སོང་བ་ཉིད་དུའང་རབ་ཏུ་ཤེས་སོ།། རྣམ་པར་ཤེས་པའི་ཁམས་ལ་སྒྱུ་མ་ལྟ་བུ་ཉིད་དུའང་རབ་ཏུ་ཤེས་ལ། ཕྱིན་ཅི་ལོག་ཉིད
140a5 དུའང་རབ་ཏུ་ཤེས། ཕྱིན་ཅི་མ་ལོག་པ་ཉིད་དུའང་རབ་ཏུ་ཤེས་སོ།། དེ་མིག་གི་རྣམ་པར་ཤེས་པ་ལ་སྟོང་པ་ཉིད་དང་། གཟུགས་ལ་མི་རྟག་པ་ཉིད་དུའང་རབ་ཏུ་ཤེས་སོ།། རྣ་བའི་རྣམ་པར་ཤེས་པ་ལ
140a6 སྟོང་པ་ཉིད་དང་། སྒྲ་ལ་མི་རྟག་པ་ཉིད་དང་། སྣའི་རྣམ་པར་ཤེས་པ་ལ་སྟོང་པ་ཉིད་དང་། དྲི་ལ་མི་རྟག་པ་ཉིད་དང་། ལྕེའི་རྣམ་པར་ཤེས་པ་ལ་སྟོང་པ་ཉིད་དང་། རོ་ལ་མི་རྟག་པ་ཉིད་དང་། ལུས་ཀྱི
140a7 རྣམ་པར་ཤེས་པ་ལ་སྟོང་པ་ཉིད་དང་། རེག་བྱ་ལ་མི་རྟག་པ་ཉིད་དུའང་རབ་ཏུ་ཤེས་སོ།། དེ་དེ་ལྟར་ཤེས་རབ་ལ་མཁས་པས། ཤིན་ཏུ་རྟོགས་པའི་ཤེས་རབ་དང་ལྡན་ཞིང་། ཤེས་རབ་རྣོ་བ་དང་ལྡན་ཏེ།
iiif viewer powered by OpenSeadragon
