| e-texts navigator |
| Wylie |
139a1 གསོབ་ཀྱི་ཆོས་རྣམས་ལ་མངོན་པར་ཞེན་ཏོ་སྙམ་དུ་སེམས་ཏེ། འདི་ནི་བྱང་ཆུབ་སེམས་དཔའི་ལྷག་མཐོང་ཞེས་བྱའོ།། དེ་ལྟར་རྣམ་པར་མཐོང་བས་ཉོན་མོངས་པ་རྣམས་ཀུན
139a2 ཏུ་མི་འབྱུང་ཞིང་མི་འཇུག་པ་དེ་ནི། བྱང་ཆུབ་སེམས་དཔའི་ཞི་གནས་ཞེས་བྱའོ།། ཚངས་པ་གཞན་ཡང་བྱང་ཆུབ་སེམས་དཔའ་གཅིག་པུ་དབེན་པར་འདུག་སྟེ། ནང་དུ་ཡང་དག་བཞག་ནས་མིང་དང
139a3 ཡི་གེ་ཇི་ལྟར་ཐོས་པ་རྣམས་ངེས་པའི་ཚིག་གིས་གདགས་པས། ཡང་དག་པར་འཇོག་ཅིང་། ཡི་གེ་དེ་དག་ལ་ཉེ་བར་རྟོག་སྟེ། དེ་དེ་ལྟར་ཉེ་བར་རྟོག་པ་ན་ཡི་གེ་རྣམས་གསོག་དང་གསོབ་ཏུ་མཐོང་ངོ་།།
139a4 དེ་ཡི་གེ་རྣམས་གསོག་དང་གསོབ་ཏུ་མཐོང་ནས། མིང་རྣམས་ཀྱང་གསོག་དང་གསོབ་ཏུ་མཐོང་ངོ་།། གང་ལ་མིང་དེ་འདོགས་པ་དེའང་གསོག་དང་གསོབ་ཏུ་མཐོང་ངོ་།། དེ་ལ་གཟུགས་གང་དང་གང
139a5 སྣང་བ་དེ་དང་དེའང་གསོག་དང་གསོབ་ཏུ་སྣང་ངོ་། ། དེས་གསོག་དང་གསོབ་ཏུ་སྣང་བས་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པར་འགྱུར་རོ།། ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པས
139a6 དེ་ལ་འདུས་བྱས་རྨི་ལམ་དང་འདྲ་བར་སྣང་ངོ་། ། དེ་ལ་བྱང་ཆུབ་སེམས་དཔའ་སོ་སོར་བརྟགས་ནས། སེམས་ཅན་ལ་ལྟ་བས་སྙིང་རྗེ་ཆེན་པོའི་སེམས་ཉེ་བར་བཞག་ནས་གནས་སོ།། དེ་འཆལ་པའི་ཤེས
139a7 རབ་ཀྱི་སེམས་གདུལ་བའི་ཕྱིར་ཤེས་རབ་སྒོམ་པར་བྱེད་དོ། ། ཇི་ལྟར་སྒོམ་པར་བྱེད་ཅེ་ན། དེ་ཀུན་རྫོབ་ཀྱི་ཚུལ་དུ་བཤད་པ་འམ། དོན་དམ་པའི་ཚུལ་དུ་བཤད་པའི་མདོ་སྡེ་གང་དག་ཡིན་པ་དེ་དག་བརྗོད་པ
iiif viewer powered by OpenSeadragon
