| e-texts navigator |
| Wylie |
138b1 ཚོགས་དག་ལའང་མཚན་མར་མི་འཛིན་ཅིང་། མངོན་རྟགས་སུ་མི་འཛིན་པ་ཡིན་ནོ།། གཟུགས་དང་། སྒྲ་དང་། དྲི་དང་། རོ་དང་། རེག་པ་སྣ་ཚོགས་དག་ལའང་མཚན་མར་མི་འཛིན་ཅིང་།
138b2 མངོན་རྟགས་སུ་མི་འཛིན་པ་ཡིན་ནོ།། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་རྣམས་ལའང་མཚན་མར་མི་འཛིན་ཅིང་། མངོན་རྟགས་སུ་མི་འཛིན་པ་ཡིན་ནོ།། དེ་གཅིག་པུ་དབེན
138b3 པར་འདུག་ནས། ནང་དུ་ཡང་དག་འཇོག་ཅིང་སེམས་གནས་པར་བྱ་བའི་ཕྱིར་ནན་ཏན་བྱེད་དེ། མི་སྡུག་པ་ལ་དམིགས་པ་འམ། བྱམས་པ་ལ་དམིགས་པའམ། སྙིང་རྗེ་ལ་དམིགས་པ་འམ
138b4 ཡིད་འབྱུང་བར་འགྱུར་བ་གང་ཡང་རུང་བས་ཇི་ལྟར་ལུས་ཁེངས་པར་མི་འགྱུར་བ་དེ་ལྟར་དམིགས་པར་བྱེད་དེ། དབུགས་རྔུབ་པ་དང་འབྱུང་བ་མི་འགག་གོ།། རྒྱུན་རྣམས་ཀྱང་མི་འཆད་དོ།། རླུང་འཁྲུག
138b5 པར་མི་འགྱུར་རོ། ། སེམས་ལོག་པར་རྣམ་པར་གཡེང་བར་མི་འགྱུར་རོ།། དེ་འཆག་གམ། ཉལ་ལམ། འགྲེང་ངམ། འདུག་ཀྱང་དམིགས་པ་དེ་ཉིད་ཀྱིས་འདུག་གོ།། དེ་ཉིད་ལ་སེམས་གཏོང
138b6 ངོ་། ། ཚངས་པ་གང་གི་ཚེ་བྱང་ཆུབ་སེམས་དཔའ་དམིགས་པ་ལ་སེམས་བརྟན་པར་གྱུར་པ་དེའི་ཚེ། སེམས་ལ་སེམས་མཉམ་པར་འཇོག་སྟེ། སེམས་ཀྱིས་སེམས་ཀྱང་མི་དམིགས་སོ།། གང་གིས
138b7 མཉམ་པར་འཇོག་པ་དེའང་མི་དམིགས་སོ། ། གང་གི་ཕྱིར་མཉམ་པར་འཇོག་པ་དེའང་མི་དམིགས་སོ།། དེ་འདི་སྙམ་དུ་སེམས་ཏེ། ཀྱེ་མ་བྱིས་པ་སོ་སོའི་སྐྱེ་བོ་འདི་དག་ནི་གསོག་གི་ཆོས་རྣམས་དང་།
iiif viewer powered by OpenSeadragon
