| e-texts navigator |
| Wylie |
135b1 གིས་སྲོག་ཆགས་ཀྱི་སྲོག་གཅོད་པར་མི་བྱེད། ཞེ་སྡང་གི་དབང་དང་། གཏི་མུག་གི་དབང་གིས་སྲོག་གཅོད་པར་མི་བྱེད་དོ།། དེ་སེམས་ཅན་གཞན་དག་དང་། གང་ཟག་གཞན་རྣམས་ལ་བདག་ཙམ་དུ་འདུ
135b2 ཤེས་པར་བྱེད་ཅིང་། སྡུག་པ་བུ་ཙམ་དུ་འདུ་ཤེས་པར་བྱེད་དོ།། བདག་ཉིད་ཀྱིས་སེམས་ཅན་གཞན་དག་དང་། གང་ཟག་གཞན་རྣམས་ཀྱི་སྲོག་གཅོད་པར་མི་བྱེད་དོ།། གཞན་དག་ཀྱང་སྲོག་གཅོད་དུ
135b3 མི་འཇུག་གོ། ། གཞན་དག་སྲོག་གཅོད་པ་ལའང་རྗེས་སུ་ཡི་རང་བར་མི་བྱེད་དོ།། བདག་གིས་ཀྱང་མི་གཅོད་དོ།། གཞན་དག་ཀྱང་གཅོད་དུ་མི་འཇུག་གོ།། གཞན་དག་གཅོད་པ་ལའང་རྗེས་སུ་ཡི་རང
135b4 བར་མི་བྱེད་དོ། ། བདག་ཀྱང་མི་རྡེག་གོ།། གཞན་དག་ཀྱང་རྡེག་ཏུ་མི་འཇུག་གོ།། གཞན་དག་རྡེག་པར་བྱེད་པ་ལའང་རྗེས་སུ་ཡི་རང་བར་མི་བྱེད་དོ།། ཇི་ལྟར་ན་མ་བྱིན་པར་ལེན་པ་སྤོང་བ་ཡིན་ཞེ་ན
135b5 ཚངས་པ་འདི་ལ་བྱང་ཆུབ་སེམས་དཔའ་ནི་སེམས་ཅན་རྣམས་ཀྱི་འཚོ་བའི་ཡོ་བྱད་གང་དག་ཡིན་པ་འདི་ལྟ་སྟེ། གསེར་དང་། ནོར་བུ་དང་། མུ་ཏིག་དང་། བཻ་ཌཱུཪྻ་དང་། དུང་དང་། མན་ཤེལ
135b6 དང་། བྱུ་རུ་དང་། ས་ལེ་སྦྲམ་དང་། དངུལ་ལ་སོགས་པ་དང་། གོས་དང་རྒྱན་གྱི་རྣམ་པ་དག་དང་། ནོར་དང་། འབྲུ་དང་། མཛོད་དང་། བང་བའི་རྣམ་པ་དེ་དག་ལ་ཆགས་པ་མི་སྐྱེད
135b7 དེ་དག་ལ་རྣམ་པར་རྟོག་པར་མི་བྱེད་ཅིང་། རྐུ་འཕྲོག་མི་བྱེད་དོ།། རྐུ་འཕྲོག་བྱེད་དུ་མི་འཇུག་གོ།། རྐུ་འཕྲོག་བྱེད་པ་རྣམས་ལ་རྗེས་སུ་ཡི་རང་བར་མི་བྱེད་དོ།། དེ་གྲོང་ན་ཡོད་པ་འམ། དགོན་པ་ན
iiif viewer powered by OpenSeadragon
