| e-texts navigator |
| Wylie |
135a1 པར་བྱས་ན་མི་རུང་ངོ་སྙམ་ནས། དེ་རྒྱུ་དེ་དང་། རྐྱེན་དེ་དང་། གཞི་དེས་བསླབ་པ་རྣམས་ལ་གུས་པར་བྱེད་པར་འགྱུར་ཏེ། རྟུན་པར་བྱེད་པ་དང་། ལེགས་པར་བྱ་བ་བྱེད་པ་དང་། ཞི་བ།
135a2 རྣལ་དུ་བྱེད་པ་དང་། ཤིན་ཏུ་ཡོངས་སུ་མཐར་ཐུག་པར་བྱེད་པ་ཅན་དུ་འགྱུར་རོ།། དེ་བསླབ་པ་རྣམས་ལ་གུས་པར་བྱེད་པ་ཉིད་དང་། རྟུན་པར་བྱེད་པ་ཉིད་དང་། ལེགས་པར་བྱ་བ་བྱེད་པ་ཉིད་དང་། ཞི་བ་རྣལ་དུ
135a3 བྱེད་པ་ཉིད་དང་། ཤིན་ཏུ་ཡོངས་སུ་མཐར་ཐུག་པར་བྱེད་པ་ཉིད་ཀྱིས་མཁན་པོ་དང་། སློབ་དཔོན་གྱི་གན་དུ་འགྲོ་བ་ན། བག་ཚ་བ་མེད་པ་དང་། བག་འཁུམས་པ་མེད་པར་འགྲོ་ཞིང་མི་འཇིགས་པ་དང་།
135a4 ལྷན་ཅིག་ཏུ་བྱུང་བའི་རྒོད་པའང་མི་སྟེན་ཏེ། དེ་ཅིའི་ཕྱིར་ཞེ་ན། གུས་པ་དང་བཅས་ཤིང་། ཞེ་ས་དང་བཅས་པ་ཡིན་ལ། རིགས་ཀྱི་བག་མ་བཞིན་དུ་འཛེམ་པ་དང་ལྡན་པའི་ཕྱིར་རོ།། དེ་འཛེམ་པ་དང་ལྡན
135a5 པས་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་གང་དག་ཡིན་པ་དེ་དག་ཐམས་ཅད་ཀྱི་ཐམས་ཅད་དུ་ཡོངས་སུ་སྤོང་ངོ་།། ཚངས་པ་བྱང་ཆུབ་སེམས་དཔའི་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ
135a6 དེ་དག་གང་ཞེ་ན། ཚངས་པ་སྲོག་གཅོད་པ་ནི་བྱང་ཆུབ་སེམས་དཔའི་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་ཡིན་ནོ།། ཚངས་པ་མ་བྱིན་པར་ལེན་པ་དང་། མི་ཚངས་པར་སྤྱོད་པ་ནི། བྱང་ཆུབ་སེམས
135a7 དཔའི་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་ཡིན་ནོ།། ཚངས་པ་བྱང་ཆུབ་སེམས་དཔའ་ཇི་ལྟར་ན་སྲོག་གཅོད་པ་སྤོང་བ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་ནི་འདོད་ཆགས་ཀྱི་དབང
iiif viewer powered by OpenSeadragon
