| e-texts navigator |
| Wylie |
133a1 ལྷ་དང་མི་མཆོག་རྣམས་དང་དྲི་ཟ་དང་།། ཀླུ་དང་ལྷ་མིན་རྣམས་ཀྱིས་ལེགས་མཆོད་པ།། སེམས་ཅན་སྨན་སླད་མགོན་པོ་ཁྱོད་ལ་མཆོད།། དཔེར་ན་རི་ནི་རབ་ཏུ་མི་གཡོས་དང
133a2 ཇི་ལྟར་རྒྱ་མཚོ་གཏིང་ནི་མི་དཔོགས་ལྟར། ། བདུད་རྣམས་ཐམས་ཅད་ཀྱིས་ཀྱང་མི་གཡོས་ལ།། ཐུབ་པ་སྐྱེས་བུ་མཆོག་ནི་བསམ་གཏན་མཛད།། ཟང་ཟིང་མི་མངའ་མཚན་མ་མི་མངའ་ཞིང་།།
133a3 ཐ་དད་མི་མངའ་རྟེན་པ་མི་མངའ་ལ།། གནས་མི་མངའ་ཞིང་སྣང་བ་མི་མངའ་བ།། ཐུབ་པ་སྐྱེས་བུ་དམ་པ་བསམ་གཏན་མཛད།། རྟོག་གེ་རྣམས་ཀྱི་ཡུལ་ནི་མ་ལགས་ཤིང་།། བྱིས་པ་རྣམས
133a4 ཀྱི་སྤྱོད་ཡུལ་མ་ལགས་ལ། ། སེམས་དང་སེམས་ལས་བྱུང་ལ་ས་རབ་འདས་པ།། བསམ་གཏན་ཕ་རོལ་གཤེགས་པ་བསམ་གཏན་མཛད།། མགོན་པོ་སེང་གེ་བཞིན་དུ་གསུང་ཡང་སྒྲོག། ཐུབ
133a5 པ་འབྲུག་བཞིན་སྒྲོག་པ་རབ་ཏུ་མཛད། ། དཔའ་བོ་ཟླ་བ་བཞིན་དུ་རབ་ཏུ་མཛེས།། སེམས་ཅན་དཀོན་མཆོག་ཁྱེད་ལ་ཕྱག་འཚལ་ལོ།། དེ་ནས་བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས
133a6 པས་བསྐུལ་བའི་ཚིགས་སུ་བཅད་པ་འདི་ལྟ་བུ་དག་གིས་བསྐུལ་བར་ཐུགས་སུ་ཆུད་ནས། ཇི་ལྟར་སྐྱིལ་མོ་ཀྲུང་བཅས་པ་དེ་ཉིད་ཀྱིས། ཏིང་ངེ་འཛིན་དེ་ལས་བཞེངས་སོ།། བཞེངས་ནས
133a7 བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་སྦྲན་པའི་ཕྱིར། མགུར་བསལ་བའི་སྒྲ་མཛད་པ་དང་། མི་མཇེད་ཀྱི་བདག་པོ་ཚངས་པས། བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ཏེ།
iiif viewer powered by OpenSeadragon
