| e-texts navigator |
| Wylie |
130a1 ནམ་ནངས་ཀྱི་བར་དུའང་མར་མེ་དེ་མ་ཤིའོ།། དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཆོས་གོས་ཀྱི་མཐའ་མས་མར་མེ་དེ་བསད་པར་བྱས་ན་གསད་པར་མ་ནུས་སོ།།
130a2 དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་རྣམ་པར་འཐོར་རླུང་གིས་བསད་པར་བྱས་ཀྱང་གསད་པར་མ་ནུས་སོ།། དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཚངས་པའི་འཇིག་རྟེན་དུ་འདུག་ནས
130a3 སྟོང་གསུམ་འདིར་ཤིང་རྟའི་སྲོག་ཤིང་ཙམ་གྱི་ཆར་གྱི་རྒྱན་དབབ་པར་བྱིན་གྱིས་བརླབས་ཏེ། མར་མེ་དེའི་སྟེང་དུ་བཏང་ཡང་གསད་པར་མ་ནུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ།
130a4 མོའུ་འགལ་གྱི་བུ་ཐོང་ཞིག། མར་མེ་འདི་ནི་བྱང་ཆུབ་ཀྱི་སེམས་ཀྱིས་སྦར་བ་ཡིན་ལ། བྱང་ཆུབ་ཀྱི་སེམས་ནི་ཉན་ཐོས་ཀྱིས་ཟིལ་གྱིས་མནན་པར་མི་ནུས་སོ།། དེ་ཅིའི་ཕྱིར་ཞེ་ན། ཐམས་ཅད
130a5 མཁྱེན་པ་ཉིད་ཀྱི་སེམས་ནི་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཟིལ་གྱིས་མནན་དུ་མེད་པའི་ཕྱིར་རོ། ། དེ་ནས་རེ་ཞིག་ན་བུད་མེད་དེ་ཉི་མ་ཤར་ཏེ་གྲོང་ཁྱེར་ནས་ཕྱིར་འོངས་ནས། དེས་མར་མེ་དེ
130a6 ཤིན་ཏུ་འབར་བ་མཐོང་བ་དང་། དེ་མཆོག་ཏུ་དགའ་བ་ཆེན་པོ་རྒྱས་པར་གྱུར་ཏོ།། དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དོ།། སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི་འདི
130a7 བིན་ཏེ། གང་གི་ཚེ་སངས་རྒྱས་བཅོམ་ལྡན་འདས་འཛུམ་པ་མཛད་པ་དེའི་ཚེ། སངས་རྒྱས་བཅོམ་ལྡན་འདས་རྣམས་ཀྱི་ཞལ་གྱི་སྒོ་ནས་འོད་ཟེར་ཁ་དོག་སྣ་ཚོགས་ཁ་དོག་དུ་མ་འདི་ལྟ་སྟེ། སྔོན་པོ་དང
iiif viewer powered by OpenSeadragon
