| e-texts navigator |
| Wylie |
129b1 མ་དང་། དགེ་བསྙེན་དང་། དགེ་བསྙེན་མ་རྣམས་ཀྱིས་བཀུར་སྟིར་བྱས། བླ་མར་བྱས། མཆོད་ཅིང་རྗེད་དེ། པདྨ་ཆུས་མ་གོས་པ་བཞིན་དུ་བཞུགས་སོ།། དེ་ནས་དེའི་ཚེ་རྒྱལ་པོ་གསལ་རྒྱལ་གྱིས་དེ
129b2 བཞིན་གཤེགས་པ་ལ་མཆོད་པའི་ཕྱིར་སྔོན་ཟླ་ཐ་ཆུང་ཟླ་བ་ཉ་བའི་ཚེས་བཅོ་ལྔ་ལ་འབྲུ་མར་གྱིས་ཟངས་པོ་ཆེ་སྟོང་བཀང་སྟེ་དངར་ནས། མར་མེ་སྦར་བའི་འོད་ཀྱིས་ཁོ་ར་ཁོར་ཡུག་ཏུ་དཔག་ཚད་བཞིར་སྣང་བས་ཁྱབ
129b3 པར་བྱས་སོ། ། དེ་ནས་ཡང་དེའི་ཚེ་མཉན་ཡོད་ཀྱི་གྲོང་ཁྱེར་ཆེན་པོ་ན་དགའ་བྱེད་མ་ཞེས་བྱ་བ་གྲོང་ཁྱེར་གྱིས་འཚོ་བ་ཞིག་འདུག་གོ། དེས་འབྲུ་མར་སྲན་གྲེའུ་དང་སྦྱར་བ་ཉོས་ནས། ཞག་བཞི་ཁ་འཚེས་ཏེ
129b4 ཉམ་ཆུང་བར་གྱུར་ཏོ། ། དེ་ནས་འབྲུ་མར་དེ་ཁྱེར་ཏེ། རྒྱལ་བུ་རྒྱལ་བྱེད་ཀྱི་ཚལ་དུ་སོང་ནས། ཁྱམས་ཀྱི་ནང་ལོགས་སུ་མར་མེ་སྦྱར་ཏེ་བཞག་ནས་འདི་ལྟར་སེམས་བསྐྱེད་དེ། བཅོམ་ལྡན་འདས
129b5 བདག་དགེ་བའི་རྩ་བ་འདིས་མ་འོངས་པའི་དུས་ན། ཇི་ལྟར་ད་ལྟར་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་ལྟ་བ་བཞིན་དུ་བདག་ཀྱང་མ་འོངས་པའི་དུས་ན་སྟོན
129b6 པར་གྱུར་ཏེ། ཆོས་སྟོན་པར་གྱུར་ཅིག། དགེ་འདུན་ཡང་སྡུད་པར་གྱུར་ཅིག་ཅེས་བྱས་སོ།། འདི་ལྟར་ཡང་སེམས་བསྐྱེད་དེ། གལ་ཏེ་བདག་མ་འོངས་པའི་དུས་ན། སངས་རྒྱས་སུ་འགྱུར་བ་ཞིག
129b7 ན་མར་མེ་འདི་བདག་ཕྱིར་མ་འོངས་ཀྱི་བར་དུ་འབར་བར་གྱུར་ཅིག་ཅེས་བྱས་ནས། མར་མེ་དེ་སྦར་ཏེ་གྲོང་ཁྱེར་དུ་སོང་ན། མར་མེ་དེའི་འོད་ཀྱིས་འཛམ་བུའི་གླིང་ཐམས་ཅད་སྣང་བར་གྱུར་ཏེ།
iiif viewer powered by OpenSeadragon
