| e-texts navigator |
| Wylie |
127b1 པ་གང་མཐོང་བ། ། དེ་དག་ལ་ནི་བསྐལ་པ་བྱེ་མང་དུ།། ལྷ་རྫས་འདུ་བྱེད་ཡིད་འོང་མཆོད་པ་བས།། གང་ཞིག་སངས་རྒྱས་བྱས་པ་གཟོ་བ་དང་།། དཀོན་མཆོག་གསུམ་ནི་རྗེས་སུ་གཟུང་བ་དང་།། ཆོ
127b2 བདི་ལ་ནི་སེམས་ཅན་གཟུང་བའི་ཕྱིར། ། དམ་ཆོས་འཛིན་པ་དེ་ནི་ཆེས་མཆོག་གོ། ཇི་ལྟར་མགོན་པོ་རྣམས་ཀྱི་ཆོས་འཛིན་ལྟར།། སེམས་ཅན་གང་ངས་སངས་རྒྱས་སྤྱན་གྱིས་གཟིགས།། དེ་དག
127b3 གང་གིས་ཚངས་པ་བརྒྱ་བྱིན་བཀོད། ། དེ་ཡི་བསོད་ནམས་དེ་སྙེད་མི་འཕེལ་ལོ།། སེམས་ཅན་དེ་ཀུན་དགྲ་བཅོམ་བཀོད་པ་དང་།། རང་རྒྱལ་ཐེག་པར་རབ་ཏུ་བཀོད་པ་བས།། གང་ཞིག་བྱང་ཆུབ་ཏུ་ནི
127b4 སེམས་བསྐྱེད་ནས། ། དམ་ཆོས་འཛིན་པ་དེ་ནི་ཁྱད་པར་འཕགས།། གལ་ཏེ་བསོད་ནམས་དེ་ལ་གཟུགས་ཡོད་ན།། ཕྱོགས་བཅུའི་ཞིང་རྣམས་ཐམས་ཅད་གང་བར་འགྱུར།། སྐྱེས་བུ་ཁྱུ་མཆོག་ཡེ་ཤེས་མ་གཏོགས
127b5 པར། ། བསོད་ནམས་དེ་ཡི་སྣོད་ནི་ཡོད་མ་ཡིན།། ཇི་ལྟར་བསྐལ་པ་བྱེ་བ་སྟོང་བརྗོད་ཀྱང་།། སངས་རྒྱས་ཡེ་ཤེས་མཐའ་ཡོད་མ་ཡིན་ལྟར།། དེ་བཞིན་གཤེགས་ཀྱི་དམ་ཆོས་འཛིན་པ་ཡི།། བསོད
127b6 ནམས་དེ་ཡང་ཚད་ཡོད་མ་ཡིན་ནོ། ། དེ་ནས་བྱང་ཆུབ་སེམས་དཔའ་བསོད་ནམས་ཀྱིས་བརྒྱན་པས་བཅོམ་ལྡན་འདས་ལས་དམ་པའི་ཆོས་ཡོངས་སུ་འཛིན་པའི་བསོད་ནམས་བཤད་པ་འདི་ཐོས་ནས
127b7 ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ནས་དགའ་བ་དང་ཡིད་བདེ་བ་སྐྱེས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་གང་དག་དམ་པའི
iiif viewer powered by OpenSeadragon
