| e-texts navigator |
| Wylie |
126b1 རྒྱུ་བ་ཆད་པ། ངེས་པའི་དོན་མཐོང་བར་དཀའ་བ། རྟོགས་པར་དཀའ་བ། དོན་དམ་པ་སྟོང་པ་ཉིད་དང་ལྡན་པ། ཚུལ་ཁྲིམས་ཀྱི་རྒྱན་གྱིས་བརྒྱན་པ། དྲན་པ་དང་། ཏིང་ངེ་འཛིན་དང་། ངེས
126b2 པར་རྟོག་པ་དང་། ཡིད་རབ་ཏུ་དགའ་བར་བྱེད་པ། ཤེས་རབ་ཀྱི་འོད་སྣང་བར་བྱེད་པ། རྣམ་པར་གྲོལ་བ་ངེས་པར་སྟོན་པ། ཞི་བ། མ་གོས་པ། མཁས་ཤིང་རྟོགས་པ་རྣམས་ཀྱིས་རིག་པར་བྱ་བ།
126b3 སངས་རྒྱས་ཐམས་ཅད་ཀྱིས་བསྟོད་ཅིང་བསྔགས་པ། གཟུངས་དང་མདོ་སྡེའི་རྒྱལ་པོའི་ཕྱག་རྒྱས་བཏབ་པ། ཐོགས་པ་མེད་པའི་སྤོབས་པ་འཛིན་པ། དྲན་པ་དང་། བློ་གྲོས་དང་། རྟོགས་པ
126b4 དང་མོས་པ་རྣམ་པར་འཕེལ་བ། བདུད་དང་ཕྱིར་རྒོལ་བ་རྣམས་བཅོམ་པ། ཕས་ཀྱི་རྒོལ་བ་ཐམས་ཅད་ཀྱིས་ཟིལ་གྱིས་མི་ནོན་པ། ཚུལ་ཁྲིམས་འཆལ་པ་རྣམས་སྤ་འགོང་བ། སྦྱངས་པའི
126b5 ཡོན་ཏན་དང་། ཡོ་བྱད་བསྙུངས་པ་དང་། སྡོམ་པ་ཚར་ཕྱིན་པ། གཏོང་བའི་ཡོན་ཏན་གྱི་ཆོས་རབ་ཏུ་གནས་པ། ཡོན་ཏན་གྱི་ཆོས་མཐའ་ཡས་པ་ལས་ངེས་པར་བྱུང་བ། སངས་རྒྱས
126b6 ཐམས་ཅད་ཀྱི་ཆོས་དང་ཡེ་ཤེས་འདི་འཛིན་ཏམ། ལེན་ཏམ?། འཆང་ངམ། ཀློག་གམ། ཀུན་ཆུབ་པར་བྱེད་དམ། གཞན་དག་ལ་ཡང་དག་པར་རབ་ཏུ་སྟོན་ཏམ། ཡི་གེར་འདྲི
126b7 འམ། ཡི་གེར་འདྲིར་འཇུག་གམ། ཚིག་ཏུ་འདོན་ཏམ། སེམས་སམ། རྟོག་གམ། ཚུལ་བཞིན་ངེས་སམ། ནན་ཏན་ལ་གནས་པ་དེ་དག་བསོད་ནམས་ཇི་ཙམ་ཞིག་སྐྱེད་པར་འགྱུར།
iiif viewer powered by OpenSeadragon
