| e-texts navigator |
| Wylie |
125b1 ལྡན་གནས་ན་མཆིས་ཏེ། འདི་ལྟ་བུའི་མདོ་སྡེ་དག་ཀུན་ཏུ་བསྲུང་བ་དང་། ཡོངས་སུ་གཟུང་བ་དང་། ཡུན་རིང་དུ་གནས་པར་བགྱི་བའི་སླད་དུ་ནན་ཏན་དུ་བགྱིའོ།། བཅོམ་ལྡན་འདས་སླང་མའི་ཚེ་སླད་མའི
125b2 དུས་ན། འདི་ལྟ་བུའི་མདོ་སྡེ་རྣམས་སུའི་རྣ་བར་གྲག་པར་འགྱུར་བ་དང་། ཐོས་ནས་འཛིན་པ་དང་། འཆང་བ་དང་། ཀློག་པ་དང་། གཞན་དག་ལའང་རྒྱ་ཆེར་རབ་ཏུ་སྟོན་ཅིང་བདག་ཉིད་ཀྱང་སྦྱོར་བར
125b3 བགྱིད་པ་དེ་ནི། བཅོམ་ལྡན་འདས་བྱང་ཆུབ་སེམས་དཔའ་བྱམས་པའི་བྱིན་གྱི་རླབས་སུ་རིག་པར་བགྱིའོ།། བཅོམ་ལྡན་འདས་དེའི་ཚེ་བདུད་ཀྱི་ཕྱོགས་ཀྱང་གཡོས་པར་འགྱུར་ཏེ། འོན་ཀྱང་དགེ་བའི་རྩ་བ
125b4 གང་གིས་བདག་གི་སྤུའི་ཁུང་བུ་རེ་རེ་གྲུབ་པ་དེ་ལ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་དེ་དག་ཐམས་ཅད་བདུད་སྡིག་ཅན་དུ་གྱུར་ཀྱང་། དེ་དག་བདག་གི་སྤུའི་བུ་ག་གཅིག
125b5 གིས་ཡོངས་སུ་གཟུང་བའི་དགེ་བའི་རྩ་བའི་བརྒྱའི་ཆར་ཡང་ཉེ་བར་མི་མཆི་བ་ནས། དཔེའི་བར་དུ་ཉེ་བར་མི་མཆིའོ།། བཅོམ་ལྡན་འདས་བདག་གི་བསོད་ནམས་ཀྱི་སྟོབས་དང་། ཡེ་ཤེས་ཀྱི་སྟོབས་ཀྱིས
125b6 བདུད་ཀྱི་དཀྱིལ་འཁོར་ཐམས་ཅད་རབ་ཏུ་ཕམ་པར་བགྱིས་ལ། དེ་བཞིན་གཤེགས་པས་བསྐལ་པ་བྱེ་བ་གྲངས་མ་མཆིས་པར་ཡང་དག་པར་བསྒྲུབས་པའི་བྱང་ཆུབ་འདི་བསྲུང་བར་བགྱིའོ།། བཅོམ་ལྡན
125b7 འདས་ཀྱིས་བཀའ་སྩལ་པ། བྱམས་པ་ལེགས་སོ་ལེགས་སོ།། བྱམས་པ་བཞི་པོ་འདི་དག་ནི་བྱང་ཆུབ་སེམས་དཔའི་ལས་ཏེ། བཞི་གང་ཞེ་ན། འདི་ལྟ་སྟེ། བདུད་དང་ཉོན་མོངས་པ་ཐམས་ཅད་ཚར
iiif viewer powered by OpenSeadragon
