| e-texts navigator |
| Wylie |
125a1 པར་འགྱུར་རོ། ། དེའི་ཚེ་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བཀའ་སྩལ་པ། བྱམས་པ་ཇི་ཙམ་དུ་གཟུང་བ་དང་། བཅང་བ་དང
125a2 བཀླག་པ་དང་། གཞན་དག་ལའང་རྒྱ་ཆེར་ཡང་དག་པར་རབ་ཏུ་བསྟན་པར་བྱ་བ་དང་། དེ་བཞིན་གཤེགས་པ་ལ་བྱས་པ་གཟོ་ཞིང་བྱས་པ་ཤེས་པ་བསྐྱེད་པ་དང་། བདག་གིས་བསམ་པ་ཡོངས་སུ་རྫོགས་པ
125a3 བྱ་བ་དང་། སེམས་ཅན་རྣམས་ཀྱི་དགེ་བའི་རྩ་བ་རྣམ་པར་དག་པར་བྱ་བ་དང་། བྱང་ཆུབ་སེམས་དཔའ་རྣམས་ཆོས་སྣང་བ་ཐོབ་པར་བྱ་བ་དང་། བདུད་ཐམས་ཅད་ཚར་གཅད་པ་དང་། མུ་སྟེག
125a4 ཅན་ཐམས་ཅད་གཞོམ་པ་དང་། དམ་པའི་ཆོས་ཡོངས་སུ་གཟུང་བ་དང་། དཀོན་མཆོག་གསུམ་གྱི་རིགས་མི་འཆད་པར་བྱ་བའི་ཕྱིར་བསྐལ་པ་བྱེ་བ་ཕྲག་གྲངས་མེད་པར་ཡང་དག་པར་བསྒྲུབས་པའི་བླ་ན
125a5 མེད་པ་ཡང་དག་པར་རྫོགས་པའི་བྱང་ཆུབ་འདི་ཁྱོད་ལ་ཡོངས་སུ་གཏད་དོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བྱང་ཆུབ་སེམས་དཔའ་བྱམས་པས་འདི་སྐད
125a6 ཅེས་གསོལ་ཏོ། ། བཅོམ་ལྡན་འདས་བདག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་སླད་དུ། བླ་ན་མེད་པའི་དཀོན་མཆོག་གི་མཛོད་འདི་བསྲུང་བར་བགྱིའོ།། དེ་ཅིའི་སླད་དུ་ཞེ་ན།
125a7 བཅོམ་ལྡན་འདས་འདི་ནི་བདག་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་དམ་པའི་ཆོས་ལགས་སོ།། བཅོམ་ལྡན་འདས་བདག་དགའ
iiif viewer powered by OpenSeadragon
