| e-texts navigator |
| Wylie |
124b1 སངས་རྒྱས་ཀྱི་ཆོས་སྡུད་ཅིང་མདོ་སྡེ་འདི་འཛིན་པ་དང་། འཆང་བ་དང་། ཀློག་པ་དང་། འཆད་པ་དང་། ཐ་ན་གླེགས་བམ་དུ་བྲིས་ཏེ་འཆང་བ་དེ་དག་དགོན་པར་མཆིས་སམ། ལམ་གོལ་བར་མཆིས་སམ།
124b2 གྲོང་དང་གྲོང་ཁྱེར་རམ། གྲོང་རྡལ་དུ་མཆིས་སམ། ཡུལ་འཁོར་ཏམ། རྒྱལ་པོའི་ཕོ་བྲང་འཁོར་དུ་མཆིས་ཀྱང་རུང་། ཆོས་ཀྱི་གཏམ་བགྱིད་ཀྱང་རུང་སྟེ། ཆོས་ཀྱི་རྣམ་གྲངས་འདི་རྒྱ་ཆེར་འཆང་ན་བསམ་པར
124b3 བགྱིའོ། ། བསྲུང་བ་དང་། བསྐྱབ་པ་དང་། སྦ་བར་བགྱིའོ།། དེ་དག་ལ་སྤྲོ་བ་སྩལ་བར་བགྱིའོ།། སྟོབས་ཡོངས་སུ་རྫོགས་པར་བགྱིའོ།། དྲན་པ་བསྒྲུབ་པར་བགྱིའོ།། བློ་གྲོས་ཡོངས་སུ་གཟུང་བར
124b4 བགྱིའོ། ། རྟོགས་པའི་རྗེས་སུ་འཇུག་པར་བགྱིའོ།། སྤོབས་པ་སྩལ་བར་བགྱིའོ།། མ་དད་པ་རྣམས་དད་པར་བགྱིའོ།། དད་པ་རྣམས་བསྒྲལ་བར་བགྱིའོ།། བཅོམ་ལྡན་འདས་ཇི་ལྟར་དེ་བཞིན
124b5 གཤེགས་པའི་ཆོས་ཀྱི་ཚུལ་བདག་ཅག་གིས་ཡོངས་སུ་བཟུང་སྟེ། རྒྱ་ཆེར་འགྱུར་བ་དེ་ལྟར་བགྱིའོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། མི་མཇེད་ཀྱི་བདག་པོ་ཚངས་པ་ལ་འདི་སྐད
124b6 ཅེས་བཀའ་སྩལ་ཏོ། ། ལེགས་སོ་ལེགས་སོ།། ཚངས་པ་དམ་པའི་ཆོས་ཡོངས་སུ་བཟུང་བས་དེ་བཞིན་གཤེགས་པ་ཁྱོད་ལ་རྗེས་སུ་ཡི་རང་ངོ་།། ཇི་ལྟར་ངས་ད་ལྟར་བསྐོར་བ་བཞིན་དུ་ཚངས་པ་ཁྱོད་ཀྱིས
124b7 ཀྱང་རིང་པོར་མི་ཐོགས་པར་ཆོས་ཀྱི་འཁོར་ལོ་རབ་ཏུ་སྐོར་བར་འགྱུར་རོ། ། ཇི་ལྟར་ཁྱོད་ཀྱིས་ད་ལྟར་ངའི་དམ་པའི་ཆོས་ཡོངས་སུ་བཟུང་བ་དེ་བཞིན་དུ། ཚངས་པ་གཞན་དག་གིས་ཁྱོད་ཀྱི་དམ་པའི་ཆོས་འཛིན
iiif viewer powered by OpenSeadragon
