| e-texts navigator |
| Wylie |
123a1 བ་ཏི། ས་མ་རཤྨི། ཨ་ཤེ། ཧུ་ཧུ། ཧེ་ཧེ། ཁུ་རུ་ཁུ་རེ། ཨན་ཏི་ཀྲ་མེ། དེ་བ་རཀྐ་ས་ཧི་ཏེ། བཧཱ་བབྷཱ་ས་པྲ་མེ། ཨཱ་གད་ཚ་ཏུ། ཤ་ཀྲོ་དེ་བ་ནཱ་མིན་ཏྲ། ད་ཤ་ཏ་ན་ཡ་ན། ཐར་མ་ཀུ་ཊ་དྷ་ར་ཨི
123a2 ཤྭ་རོ་མ་རུང་བྷ་བ་ན་ནི་བཱ་སི། རིགས་ཀྱི་བུ་འདི་དག་ནི་ལྷའི་དབང་པོ་བརྒྱ་བྱིན་དགུག་པའི་ཚིག་གང་གིས་ལྷའི་དབང་པོ་བརྒྱ་བྱིན་བཀུག་ནས་ཆོས་ཀྱི་རྣམ་གྲངས་འདི་ཡུན་རིང་དུ་གནས་པར་བྱ་བའི་ཕྱིར་གནས་པའོ།།
123a3 དེ་ནས་ལྷའི་དབང་པོ་བརྒྱ་བྱིན་ཆོས་ཀྱི་ཤུགས་ཀྱིས་དགའ་བ་སྐྱེས་ནས། སུམ་ཅུ་རྩ་གསུམ་གནས་ཀྱི་ཁང་པ་ཐམས་ཅད་རབ་ཏུ་གཡོས་པར་བྱས་ཏེ། གཡོག་ལྷ་བརྒྱ་སྟོང་མང་པོ་དང་། བཅོམ་ལྡན་འདས་ག་ལ་བ
123a4 དེར་དོང་ནས་ལྷགས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་པདས་བདག་ནི་ལྷའི་དབང་པོ་བརྒྱ་བྱིན་ཏེ། སུམ་ཅུ་རུ
123a5 གསུམ་པའི་ལྷ་ལ་དབང་བགྱིད་དེ། གཡོག་ལྷའི་ཚོགས་དང་། ཆོས་ཀྱི་རྣམ་གྲངས་འདི་འཛམ་བུའི་གླིང་དུ་རྒྱས་པར་བགྱི་བའི་སླད་དུ་ནན་ཏན་དུ་བགྱིའོ།། ཆོས་སྨྲ་བ་དེ་དག་དང་། མདོ་སྡེ་འདི་འཆང་བ་དེ་དག
123a6 ལ་ཇི་ལྟར་མི་གནོད་པ་དང་། དགའ་བ་དང་། མཆོག་ཏུ་དགའ་བ་དང་། མོས་པ་རྙེད་ཅིང་ཆོས་ཀྱི་རྒྱན་གྱིས་བརྒྱན་ཏེ། ཆོས་ཀྱི་རྣམ་གྲངས་འདི་གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ
123a7 འཁོར་དང་། རྒྱལ་པོའི་ཕོ་བྲང་དུ་ཞུགས་ནས་རབ་ཏུ་འཆད་པར་འགྱུར་བ་དེ་ལྟར་ཆོས་ཀྱིས་བསྲུང་བ་དང་། བསྐྱབ་པ་དང་། སྦ་བར་བགྱིའོ།། བཅོམ་ལྡན་འདས་བདག་ཅག་ཆོས་གཉན་པའི་སླད་དུ་ཆོས
iiif viewer powered by OpenSeadragon
