| e-texts navigator |
| Wylie |
120a1 སེམས་ཅན་དེ་དག་ཆོས་ཉན་འགྱུར།། དུས་ངན་དེ་ཚེ་བདག་ཅག་རྣམས།། སེམས་ཅན་དག་ལ་ཕན་སླད་དུ།། ལུས་དང་སྲོག་ཀྱང་རབ་བཏང་སྟེ།། དམ་པའི་ཆོས་ནི
120a2 གཟུང་བར་བགྱི། ། འཇིགས་པ་ཆེན་པོའི་དུས་དེ་ན།། ཚིག་ཙམ་དུ་ནི་མ་ལགས་ཀྱི།། སྒྲུབ་པ་སྙིང་པོར་བགྱིད་པར་ཡང་།། མགོན་པོས་བདག་ཅག་བསམ་པ་མཁྱེན།། དམ་ཆོས་འདི་ན
120a3 ཡོངས་བཟུང་ན། ། བསོད་ནམས་ཚོགས་ནི་ཇི་ཙམ་མཆིས།། ཆོས་ཀྱི་རྒྱལོ་འོད་མཛད་པ།། འཇིག་རྟེན་སྣང་བར་མཛད་ལ་ཞུ།། དེའི་ཚེ་བཅོམ་ལྡན་འདས་ཀྱིས། བྱང་ཆུབ་སེམས་དཔའ་ནམ་མཁའ
120a4 མཛོད་ལ་བཀའ་སྩལ་པ། རིགས་ཀྱི་བུ་འདི་ལྟ་སྟེ། དཔེར་ན་ཤར་ཕྱོགས་ཀྱི་སྟོང་སུམ་ཅུའི་འཇིག་རྟེན་གྱི་ཁམས་རེ་རེའང་རྡུལ་ཕྲ་རབ་ཀྱི་ཆར་རྡུལ་ཕྲ་རབ་ཀྱི་རྡུལ་དུ་བཤིག་ལ། དེ་བཞིན་དུ་ལྷོ་དང་ནུབ
120a5 དང་བྱང་དང་། སྟེང་དང་། འོག་དང་། ཕྱོགས་བཅུ་ཀུན་ཏུ་སྟོང་སུམ་ཅུའི་འཇིག་རྟེན་གྱི་ཁམས་རེ་རེའང་རྡུལ་ཕྲ་རབ་ཀྱི་ཆར་རྡུལ་ཕྲ་རབ་ཀྱི་རྡུལ་དུ་བཤིག་སྟེ། དེ་ནས་རྡུལ་ཕྲ་རབ་དེ་དག་ཐམས
120a6 ཅད་ཇི་སྙེད་པར་ཤར་ཕྱོགས་སུ་སངས་རྒྱས་ཀྱི་ཞིང་དེ་སྙེད་འདས་ཤིང་རྡུལ་ཕྲ་རབ་ཀྱི་རྡུལ་གཅིག་བཞག་ལ། ཚུལ་དེ་ལྟ་བུར་ཤར་ཕྱོགས་སུ་རྡུལ་ཕྲ་རབ་དེ་དག་ཐམས་ཅད་ཟད་ཟད་དུ་བཞག་ཀྱང་།
120a7 ཤར་ཕྱོགས་ཀྱི་སངས་རྒྱས་ཀྱི་ཞིང་གི་མཐར་ཐུག་པ་གང་ཡང་མེད་དོ།། ཤར་ཕྱོགས་སུ་ཇི་ལྟ་བ་བཞིན་དུ་ཕྱོགས་བཅུ་ཀུན་གྱི་ཕྱོགས་རེ་རེའང་སངས་རྒྱས་ཀྱི་ཞིང་དེ་སྙེད་དོ།། རིགས་ཀྱི་བུ་འདི་ཇི་སྙམ
iiif viewer powered by OpenSeadragon
