| e-texts navigator |
| Wylie |
119b1 ཚོལ་བ། ། དེ་ལ་བདག་ཅག་ཆོས་བསྟན་ཏོ།། ཆོས་འདོད་པར་ནི་རྟོགས་ནས་སུ།། ཤིན་ཏུ་རིང་དུའང་མཆི་བར་བགྱི།། ཆོས་ལ་དགའ་ཞིང་མོས་རྙེད་ནས།། སེམས་ཅན་རྣམས་ཀྱི་དོན་ཡང
119b2 བགྱི། ། སེམས་ཅན་རྣམས་ཀྱི་འཁྲུལ་མང་པོ།། དེ་དག་མངོན་པར་མཐོང་ནས་ཀྱང་།། ཆོས་དང་ངེས་པར་རབ་གནས་ནས།། བདག་ལ་རྟག་ཏུ་བརྟགས་པར་བགྱི།། བསྟི་སྟང་བགྱིས་དང་མ
119b3 བགྱིས་ལ། ། རི་རབ་ལྟ་བུར་གྱུར་ནས་སུ།། འཇིག་རྟེན་གྱིས་ནི་མོ་གོས་པ།། འཇིག་རྟེན་འདྲེན་པར་འགྱུར་བར་བགྱི།། དགེ་སློང་ཚུལ་ལས་ཉམས་རྣམས་ཀྱིས།། མི་སྙན་པ་དག་རྟོགས
119b4 ནས་ཀྱང་། ། ལས་ནི་བདག་གིར་བྱ་བར་བགྱི།། དེ་དག་ལས་ནི་སྨིན་མ་འགྱུར།། ཆོས་རྣམས་ལ་ནི་གནས་པ་ལ།། ངེད་ལ་དེ་འདྲའི་ཆོས་རྣམས་ནི།། ཇི་ལྟ་བུ་ཡང་ཡོད་མེད་ཅེས།། གཤེ
119b5 མ་དག་ནི་འགྱེད་པར་འགྱུར། ། བདག་ཅག་མིང་གི་དགེ་སྦྱོང་སྟེ།། དགེ་སྦྱོང་ཡོན་ཏན་མེད་དོ་ཞེས།། ཡང་དག་བསྐུལ་བ་ཐོས་པ་དང་།། མདོ་སྡེ་འདི་ནི་སྤོང་བར་འགྱུར།། སྣ་དང་སྣ་ཆད་དེ
119b6 དག་ནི། ། མེ་ལོང་དགའ་བར་མི་འགྱུར་ལྟར།། ཡང་དག་བསྒྲལ་བ་ཐོས་པ་དང་།། དེ་དག་དམ་ཆོས་སྤོང་བར་འགྱུར།། དགེ་སློང་གང་དག་དམ་པའི་ཆོས།། རབ་ཏུ་འཛིན་པ་འབྱུང་འགྱུར
119b7 ཏེ། ། དེ་དག་བཞིན་དུ་ཚུལ་འཆོས་ཀྱང་།། གང་ཡང་ཆོས་འདི་མ་ཉན་ཏོ།། རྒྱལ་པོ་རྣམས་ཀྱང་སླུ་བར་བགྱིད།། སྐྱེ་བོ་ཆེན་པོ་འབྱེད་འགྱུར་ཡང་།། སངས་རྒྱས་ཀྱིས་ནི་བྱིན་རླབས་ཀྱིས།།
iiif viewer powered by OpenSeadragon
