| e-texts navigator |
| Wylie |
117b1 ཅད་ལ་སྐུལ་ཏོ། ། གཏེར་ཆེན་པོ་གཅིག་ནི་དགེ་སློང་ཕྱོགས་བནི་ནས་ལྷགས་པའི་ཕྱོགས་བཞིའི་དགེ་སློང་གི་དགེ་འདུན་ལ་དབུལ་ལོ།། གཏེར་ཆེན་པོ་གཅིག་ནི་སངས་རྒྱས་ལ་སོགས་པ་དགེ་སློང
117b2 གི་དགེ་འདུན་རྣམས་ལ་དབུལ་ལོ། ། བཅོམ་ལྡན་འདས་བདག་ནི་ཡང་བར་གྱུར་ཏེ། ངའི་བ་མཆིས། ཡོངས་སུ་འཛིན་པའང་མ་མཆིས་ན། བཅོམ་ལྡན་འདས་བདག་ལེགས་པར་བཤས
117b3 པའི་ཆོས་འདུལ་བ་ལ་རབ་ཏུ་བྱུང་སྟེ། བསྙེན་པར་རྫོགས་ཤིང་དགེ་སློང་གི་ཚུལ་ཐོབ་པར་བགྱིར་གསོལ། དགེ་བསྙེན་དཔལ་སྦས་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་སྟེ།
117b4 བསྙེན་པར་རྫོགས་ནས་དགེ་སློང་གི་ཚུལ་ཐོབ་བོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་ནམ་མཁའ་མཛོད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན
117b5 གཤེགས་པ་ཡོངས་སུ་མྱ་ངན་ལས་འདས་ན། བསྐལ་པ་གྲངས་མ་མཆིས་པ་བྱེ་བ་ཡང་དག་པར་བསྒྲུབས་པའི་བྱང་ཆུབ་འདི་སུ་འཛིན་པར་འགྱུར།། དེ་ནས་འཁོར་དེ་ནས་བྱང་ཆུབ
117b6 སེམས་དཔའ་བྱེ་བ་ཕྲག་དྲུག་ཅུ་ལངས་ནས། དེ་དག་ཐམས་ཅད་ཐལ་མོ་སྦྱར་ཏེ། བཅོམ་ལྡན་འདས་ལ་ཕྱག་འཚལ་ནས། སྒྲ་སྐད་དབྱངས་གཅིག་ཏུ་ཚོགས་སུ་བཅད་པ་འདི་དག
117b7 གསོལ་ཏོ། ། བཅོམ་ལྡན་རྐང་གཉིས་དམ་པ་ནི།། མྱ་ངན་འདས་སླད་བདག་ཅག་རྣམས།། ལུས་དང་སྲོག་ཏུ་བཅས་བཏང་སྟེ།། དམ་པའི་ཆོས་ནི་གཟུང་བར་སྤྲོ།། རྙེད་དང་བཀུར་སྟི་སྤངས
iiif viewer powered by OpenSeadragon
