| e-texts navigator |
| Wylie |
117a1 ཁྱིམ་བདག་ཁྱོད་ལུང་བསྟན་གྱིས། སེམས་དང་སྡུག་པའི་བསམ་པ་འདིས་བསླལ་པ་བཟང་པོའི་སངས་རྒྱས་བཅོམ་ལྡན་འདས་ཐམས་ཅད་ལ་བསྟི་སྟང་དུ་བྱས། བླ་མར
117a2 བྱས་རི་མོར་བྱས་ཏེ་མཆོད་ནས་དེ་དག་གི་ཐད་ནས་ཚངས་པར་སྤྱད་པ་སྤྱོད་པར་འགྱུར། དེ་དག་གི་དམ་པའི་ཆོས་ཀྱང་ཡོངས་སུ་འཛིན་པར་འགྱུར་རོ།། འདིའི་འོག་ཏུ་སངས་རྒྱས་བཅོམ་ལྡན
117a3 འདས་བགྲང་བ་ལས་འདས་པ་ཇི་སྙེད་ཅིག་མཉེས་པར་བྱས་ཏེ། བསྐལ་པ་གྲངས་མེད་པ་བདུན་བརྒྱན་ཤིན་ཏུ་དྲི་མ་མེད་པའི་བསྐལ་པ་ལ། དེ་བཞིན་གཤེགས་པ་ཀུན་ནས་ལྡང་བ་ཐམས་ཅད
117a4 རྣམ་པར་སེལ་བ་ཞེས་བྱ་བར་འཇིག་རྟེན་དུ་འབྱུང་སྟེ། རིག་པ་དང་ཞབས་སུ་ལྡན་པ་ཞེས་བྱ་བ་ནས། སངས་རྒྱས་བཅོམ་ལྡན་འདས་ཞེས་བྱ་བའི་བར་དུ་འགྱུར་རོ།། དེ་ནས་དགེ་བསྙེན་དཔལ་སྲས
117a5 ཀྱིས་བཅོམ་ལྡན་འདས་ལས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ནས་དགའ་བ་དང་ཡིད་བདེ་བ་སྐྱེས་ཏེ།
117a6 རྒྱན་ཅི་ཐོགས་པ་བཅོམ་ལྡན་འདས་ཀྱི་སྐུ་ལ་གསོལ་ནས། ཚིག་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གི་ཁྱིམ་ན་གཏེར་ཆེན་པོ་བཞི་མཆིས་ཏེ། རིན་པོ་ཆེ་མང་པོ་དང་། གསེར
117a7 གྱིས་ཡོངས་སུ་གང་བའོ། ། དེ་དག་ལས་གཏེར་ཆེན་པོ་གཅིག་ནི་ཁྱིམ་བུ་སྨད་དང་། བྲན་པོ་དང་། བྲན་མོ་དང་། ལས་བགྱིད་པ་རྣམས་ལ་སྩལ་ཏོ།། གཏེར་ཆེན་པོ་གཅིག་ནི་དབུལ་པོ་སྤོང་བ་ཐམས
iiif viewer powered by OpenSeadragon
