| e-texts navigator |
| Wylie |
116a1 རང་བཞིན་ཡང་དེ་བཞིན་ནོ། ། ཚུལ་བཞིན་མ་ཡིན་པ་ཡིད་ལ་བྱེད་པ་ཇི་ལྟ་བར་རླུང་ཡང་དེ་བཞིན་ནོ།། ལས་དང་ཉོན་མོངས་པ་ཇི་ལྟ་བར་ཆུའང་དེ་བཞིན་ནོ།། ཕུང་པོ་དང་། ཁམས
116a2 དང་སྐྱེ་མཆེད་རྣམས་ཇི་ལྟར་སའི་ཁམས་ཀྱང་དེ་བཞིན་ཏེ། དེའི་ཕྱིར་ཆོས་ཐམས་ཅད་ནི་རྩ་བ་ཡོངས་སུ་ཆད་པ་ཞེས་བྱ་སྟེ། སྙིང་པོ་མེད་པའི་རྩ་བ། མི་གནས་པའི་རྩ་བ། དག་པའི་རྩ་བ
116a3 རྩ་བ་མེད་པའི་རྩ་བའོ། ། ཀྱེ་གྲོགས་པོ་དག་དེ་ནི་རང་བཞིན་རྣམ་པར་དག་པའི་སྒོ་ཞེས་བྱ་བའི་ཆོས་སྣང་བའི་སྒོ་སྟེ། སྒོ་གང་ལ་བརྟེན་ནས་བྱང་ཆུབ་སེམས་དཔའ་རྣམས་ཉོན་མོངས་པ་ཐམས་ཅད་ཀྱི་སྒོ་ལ
116a4 མི་ཆགས་ཤིང་རྣམ་པར་དག་པའི་སྒོ་ཐམས་ཅད་ཀྱང་མི་སྙེམས་པའོ། ། དེ་དག་ཐམས་ཅད་སྙེམས་པ་ཡང་དག་པར་བཅོམ་པས་ཚུལ་དང་འདྲ་བར་འགྲོ་བའི་ལམ་དུ་ཆུད་དེ། བདུད་ཀྱི་ཡུལ་ལས་ཡང
116a5 དག་པར་འདའ་བར་འགྱུར་རོ། ། དེ་དག་བདུད་ཀྱི་ཡུལ་ལས་ཡང་དག་པར་འདས་པས་སངས་རྒྱས་ཀྱི་ཡུལ་ལ་རབ་ཏུ་གནས་པར་འགྱུར་རོ།། དེ་དག་སངས་རྒྱས་ཀྱི་ཡུལ་ལ་རབ་ཏུ་གནས་པས་སེམས
116a6 ཅན་ཐམས་ཅད་ཀྱི་ཡུལ་ལ་འཇུག་པར་འགྱུར་རོ། ། སེམས་ཅད་ཐམས་ཅད་ཀྱི་ཡུལ་ལ་ཞུགས་པས། ཆོས་ཀྱི་དབྱིངས་ཀྱི་ཡུལ་འཁྲུག་པར་མི་བྱེད་པར་འགྱུར་རོ།། དེ་དག་ཆོས་ཀྱི་དབྱིངས་ཀྱི་རྗེས
116a7 སུ་སོང་སྟེ། མཉམ་པ་བྱེ་བྲག་མེད་པ་ཐོབ་པས་ཐམས་ཅད་མཁྱེན་པའི་ཡེ་ཤེས་རྗེས་སུ་ཐོབ་པར་འགྱུར་རོ།། བསྟན་པ་འདི་བཤད་པ་ན། བྱང་ཆུབ་སེམས་དཔའ་མང་པོ་ཞིག་ལས་དང་། ཉོན་མོངས
iiif viewer powered by OpenSeadragon
