| e-texts navigator |
| Wylie |
114a1 སུ་ལྡན་པ་ནས། སངས་རྒྱས་བཅོམ་ལྡན་འདས་ཀྱི་བར་དུའོ།། ཡང་ཀུན་དགའ་བོ་ཡོངས་སུ་དག་པར་གནས་པའི་འཇིག་རྟེན་གྱི་ཁམས་དེ་འབྱོར་པ་དང་། རྒྱས་པ
114a2 དང་བདེ་བ་དང་། ལོ་ལེགས་པ་དང་། ལྷ་དང་མིས་གང་བར་འགྱུར་རོ།། འདི་ལྟ་སྟེ། དཔེར་ན་ཀུན་དགའ་བོ་དགའ་ལྡན་གྱི་ལྷའི་ལོངས་སྤྱོད་དང་ཀུན་སྤྱོད་པ་ཅི་འདྲ་བར་སེམས་ཅན་དེ་དག
114a3 གི་ལོངས་སྤྱོད་དང་ཀུན་སྤྱོད་པའང་དེ་འདྲ་བར་འགྱུར་རོ། ། ཀུན་དགའ་བོ་དེ་བཞིན་གཤེགས་པ་ཤིན་ཏུ་གནས་པའི་ཆོས་སྣང་བ་ཐོབ་ཅེས་བྱ་བ་དེའི་ཚེ་ཚད་ནི་བར་གྱི་བསྐལ་པ་བཞི་བཅུ་ཐུབ་པར་འགྱུར
114a4 རོ། ། ཉན་ཐོས་བྱེ་བ་ཕྲག་དྲུག་ཅུ་རྩ་བཞི་རྣམས་ཀྱི་ཉན་ཐོས་ཀྱི་འདུས་པ་ཆེན་པོར་འགྱུར་རོ།། བྱང་ཆུབ་སེམས་དཔའ་ཁྲོ་ཉིས་སྟོང་གི་དགེ་འདུན་དུ་འགྱུར་རོ།། ཀུན་དགའ་བོ་གང་བདུད་དང
114a5 བདུད་ཀྱི་བུ་དང་། བདུད་ཀྱི་རིས་ཀྱི་ལྷད་ལྟར་བླ་ན་མེད་པ་ཡང་དག་པའི་བྱང་ཆུབ་ལ་ཞུགས་པ་འདི་དག་ཐམས་ཅད་ཀྱང་ཡོངས་སུ་དག་པར་གནས་པའི་འཇིག་རྟེན་གྱི་ཁམས་དེར་སྐྱེ་བར་འགྱུར
114a6 ཏེ། བཅོམ་ལྡན་འདས་དེ་བཞིན་གཤེགས་པ་ཤིན་ཏུ་གནས་པའི་ཆོས་སྣང་བ་ཐོབ་པ་དེའི་སངས་རྒྱས་ཀྱི་ཞིང་དུ་དེ་དག་ཐམས་ཅད་དེ་བཞིན་གཤེགས་པ་དེས། བླ་ན་མེད་པ་ཡང་དག་པར་རྫོགས
114a7 པའི་བྱང་ཆུབ་ཏུ་ལུང་སྟོན་པར་འགྱུར་རོ། ། བདུད་སྡིག་ཅན་ལུང་བསྟན་པ་བཤད་པ་འདི་རབ་ཏུ་བསྟན་པ་ན། གང་འཁོར་དེར་འདུས་པའི་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ
iiif viewer powered by OpenSeadragon
