| e-texts navigator |
| Wylie |
113b1 ཚུལ་ཁྲིམས་ཀྱི་གནས་དང་། སྤྱད་པ་དང་། ཆོ་ག་དང་། སྦྱོར་བ་མཐོང་བར་འགྱུར་ཏེ། ཇི་ཙམ་གྱི་བྱང་ཆུབ་ཀྱི་སེམས་དེ་བརྟན་པར་གྱུར་པ་དེ་ནི། དེ་བཞིན་གཤེགས་པ་མཐའ་ཡས་བྲི
113b2 མ་མེད་པའི་ཏོག་ཅེས་བྱ་བ་འབྱུང་སྟེ། དེའི་གསུང་རབ་ལ་བདུད་སྡིག་ཅན་འདིའང་ཐ་མར་བདུད་ཀྱི་ལས་བྱེད་དེ། དེ་དགེ་བའི་རྩ་བ་ཡོངས་སུ་སྨིན་ནས་སེམས་མེད་པའི་སེམས་ཀྱིས་སངས
113b3 རྒྱས་དང་། ཆོས་ཀྱི་སྣང་བ་ཐམས་ཅད་རྣམ་པར་དག་པའི་རྗེས་སུ་སོང་ཞིང་བྱང་ཆུབ་ཀྱི་སེམས་བསྐྱེད་དོ།། དེའི་འོག་ཏུ་གྲངས་མེད་པ་བགྲང་བ་ལས་འདས་པའི་དེ་བཞིན་གཤེགས་པ་མཉེས
113b4 པར་བྱེད་དེ། བསྟི་སྟང་དུ་བྱེད། བླ་མར་བྱེད། རི་མོར་བྱེད་ཅིང་མཆོད་པར་བྱེད་པར་འགྱུར་རོ།། སངས་རྒྱས་བཅོམ་ལྡན་འདས་དེ་དག་གི་བསྟན་པ་ལ་རབ་ཏུ་འབྱུང་བར་འགྱུ་རོ།།
113b5 རབ་ཏུ་བྱུང་ནས་ཀྱང་དམ་པའི་ཆོས་དུས་གསུམ་དུ་ཡོངས་སུ་འཛིན་པར་འགྱུར། སེམས་ཅན་ཚད་མེད་པའང་བྱང་ཆུབ་ལ་ཡོངས་སུ་སྨིན་པར་བྱེད་པར་འགྱུར་རོ།། དེ་དེའི་འོག་ཏུ་བསྐལ་པ
113b6 གྲངས་མེད་པ་བཞི་བཅུ་རྩ་བཞིན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། རྣམ་པར་སྦྱོར་བའི་བསྐལ་པ་ལ་ཡོངས་སུ་དག་པར་གནས་པའི
113b7 འཇིག་རྟེན་གྱི་ཁམས་སུ་ཤིན་ཏུ་གནས་པའི་ཆོས་སྣང་བ་ཐོབ་ཅེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འཇིག་རྟེན་དུ་འབྱུང་སྟེ། རིག་པ་དང་ང
iiif viewer powered by OpenSeadragon
