| e-texts navigator |
| Wylie |
111b1 པ་དང་། འཇིག་རྟེན་གྱི་ཁམས་མཐའ་ཡས་མུ་མེད་པ་རབ་ཏུ་གཡོས་ཏེ། ཁྱོད་སྟོབས་དང་བཅས། གཡོག་དང་བཅས་པར་ཤིན་ཏུ་ཕམ་པར་བྱས་པ་དེ་དེ་ལྟར་ཁྱོད་ལ་མངོན་སུམ་དུ་འགྱུར
111b2 བཞིན་དུ་ཡང་བཅོམ་ལྡན་འདས་དང་། བྱང་ཆུབ་སེམས་དཔའ་རྣམས་ལ་བདུད་ཀྱི་ལས་བྱེད་དུ་འོང་ངམ། དེ་བཞིན་གཤེགས་པ་བྱང་ཆུབ་སེམས་དཔའི་འཁོར་དང་བཅས་པ་རྣམས་ལ་མཆོད
111b3 པའི་ལས་བྱོས་ཤིག། དེ་ནས་བདུད་སྡིག་ཅན་གྱིས་རིན་པོ་ཆེའི་གདུགས་བྱེ་བ་ཕྲག་བརྒྱད་ཁྲི་བཞི་སྟོང་མངོན་པར་སྤྲུལ་ཏེ་འཁོར་དང་བཅས་པ་ལ་ཕུལ་ལོ།། ལྷའི་མེ་ཏོག་དང་། སྤོས་དང་།
111b4 འཕྲེང་བ་དང་། བྱུག་པ་རྣམས་ཐ་དད་པ་མང་པོ་ཐོགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་གཏོར་ནས། གཡོག་དང་བཅས་པས་ཚིག་འདི་སྐད་ཅེས་སྨྲས་སོ།། གལ་ཏེ་བྱང་ཆུབ
111b5 སེམས་དཔའ་ནམ་མཁའ་མཛོད་ཀྱིས། ནམ་མཁའི་མཛོད་འདི་བདག་ཅག་ལ་སྩལ་ན། བདག་ཅག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། བྱང་ཆུབ
111b6 སེམས་དཔའ་ནམ་མཁའ་མཛོད་ཀྱིས་སྨྲས་པ། སྡིག་ཅན་ཁྱོད་ཀྱིས་ནམ་མཁའི་མཛོད་འདི་མཐོང་ངམ། སྨྲས་པ། རིགས་ཀྱི་བུ་མཐོང་ངོ་།། འདོད་པའི་ཁམས་ཐམས་ཅད་ཀྱི་བཀོད་པ
111b7 ཇི་སྙེད་པ་དང་། སངས་རྒྱས་ཀྱི་ཞིང་ཐམས་ཅད་ཀྱི་བཀོད་པ་ཇི་སྙེད་པ་དང་། བདག་གི་གནས་ཀྱི་བཀོད་པ་ཇི་སྙེད་པ་དེ་བས་ཆེས་ལྷག་པ་འདིར་མཐོང་སྟེ། དེ་ལ་ནི་ལྷའི་འམ། མིའི་རིན་པོ་ཆེ
iiif viewer powered by OpenSeadragon
