| e-texts navigator |
| Wylie |
111a1 ནམ་མཁའ་མཛོད་ཀྱིས། བདུད་སྡིག་ཅན་ལ་འདི་སྐད་ཅེས་སྨྲས་སོ།། སྡིག་ཅན་ཁྱོད་ཀྱིས་བདུད་ཀྱི་ཡུལ་ལས་ཡང་དག་པར་འདའ་བའི་ཆོས་ཀྱི་སྒོ་འདི་ཐོས་སམ། སྨྲས་པ།
111a2 ཐོས་སོ།། སྨྲས་པ། སྡིག་ཅན་ཁྱོད་ཀྱིས་འདི་ལྟ་བུའི་ཆོས་ཀྱི་ཚུལ་ལ་རབ་ཏུ་ཞུགས་པའི་བྱང་ཆུབ་སེམས་དཔའ་རྣམས་ལ་བདུད་ཀྱི་ལས་བྱང་ནུས་སམ། སྨྲས་པ། རིགས་ཀྱི་བུ་གང་གི།
111a3 བདུད་ཀྱི་ཡུལ་ལས་ཡང་དག་པར་འདའ་བའི་ཆོས་ཀྱི་སྒོ་འདི་ཐོས་སམ། ཉན་པ་དེ་དག་ལའང་བདག་གིས་བདུད་ཀྱི་ལས་བྱེད་མི་ནུས་ན། ཡེ་ཤེས་ཀྱིས་མངོན་སུམ་དུ་རྟོགས་པའི་བྱང་ཆུབ
111a4 སེམས་དཔའ་རྣམས་ལ་ལྟ་ཅི་སྨོས། དེ་ནས་ཡང་བྱང་ཆུབ་སེམས་དཔའི་གཡོག་བྱེད་པ་ཚོགས་བྲལ་ལྡན་དང་། དགའ་ཚོགས་ལྡན་དང་། སྤོས་ཅན་དང་། ཁང་བཟངས་ཅན་དང་།
111a5 ལྷ་བཞི་པོ་དག་གིས། བདུད་སྡིག་ཅན་ལ་འདི་སྐད་ཅེས་སྨྲས་སོ།། སྡིག་ཅན་གྱི་མངོན་སུམ་དུ་བཅོམ་ལྡན་འདས་ཀྱིས་བྱང་ཆུབ་ཀྱི་སྙིང་པོར་སྔོན་སྟོབས་དང་། དྲག་ཤུལ་དང་། བཀོད་པ་དང་།
111a6 གཡོག་ཇི་ལྟ་བུ་དང་ལྷགས་པ་དེ་ནི། བཅོམ་ལྡན་འདས་ཀྱིས་བྱམས་པ་དང་། སྙིང་རྗེ་དང་། སྦྱིན་པ་དང་། དུལ་བ་དང་། ཡང་དག་པར་སྡོམ་པ་དང་། ངེས་པ་དང་། ཚུལ་ཁྲིམས
111a7 དང་། ཐོས་པ་དང་། ཏིང་ངེ་འཛིན་དང་། ཤེས་རབ་དང་། བརྩོན་འགྲུས་བརྟན་ཞིང་འབར་བ་དང་། བསོད་ནམས་དང་། ཡེ་ཤེས་ཀྱི་ཚོགས་བསགས་པའི་ཕྱག་རིན་པོ་ཆེ་ས་ལ་བརྡབས
iiif viewer powered by OpenSeadragon
