| e-texts navigator |
| Wylie |
110b1 བྱང་ཆུབ་སེམས་དཔའ་ནམ་མཁའ་མཛོད་ཀྱིས་སྨྲས་པ། ཀྱེ་གྲོགས་པོ་དག་ནམ་མཁའ་ནི་ཡུལ་ཐམས་ཅད་ལས་ཡང་དག་པར་འདས་པ་སྟེ། ནམ་མཁའ་ནི་མིག་གི་ཡུལ་མ་ཡིན། རྣ་བ་དང་། སྣ
110b2 དང་། ལྕེ་དང་། ལུས་དང་། ཡིད་ཀྱི་ཡུལ་མ་ཡིན་ནོ།། ཆོས་ཐམས་ཅད་ནི་ནམ་མཁའི་ངོ་བོ་ཉིད་ཀྱི་ཡུལ་ཡིན་ཏེ། ལུས་དང་ངག་ནི་ནམ་མཁའ་དང་མཉམ་པ་ཉིད་ཀྱི་རྗེས་སུ་སོང་བའི་ཡེ་ཤེས་སྣང་བའོ།། །
110b3 ཡེ་ཤེས་སྣང་བ་ཐོབ་པའི་བྱང་ཆུབ་སེམས་དཔའ་ནི་བདུད་ཀྱི་ཡུལ་ལས་ཡང་དག་པར་འདའ་སྟེ། དེ་ནི་བདུད་ཀྱི་ཡུལ་ལས་ཡང་དག་པར་འདའ་བ་ཞེས་བྱ་བའི་ཆོས་ཀྱི་སྒོའོ།། བྱང་ཆུབ་སེམས་དཔའ་འཇམ
110b4 དཔལ་གྱིས་སྨྲས་པ། ཀྱེ་སྐྱེས་བུ་དམ་པ་ཁྱེད་རྣམས་ཀྱིས་ཇི་སྙེད་བཤད་པ་དེ་ཐམས་ཅད་ཀྱང་བདུད་ཀྱི་ལས་དང་བདུད་ཀྱི་ཡུལ་ལོ།། དེ་ཅིའི་ཕྱིར་ཞེ་ན། ཡི་གེར་བྱས་པ་རྣམས་ནི་རྣམ་པར་རིག་པ་སྟེ།
110b5 སངས་རྒྱས་ཀྱི་གསུང་ནི་ཡི་གེ་མེད་པའོ།། ཚིག་ཇི་སྙེད་པར་བདུད་ཀྱི་ལས་ཀྱང་དེ་སྙེད་དོ།། ཚིག་མེད་པ་ལ་བདུད་ཀྱིས་ཅི་ཞིག་བྱར་ཡོད། གང་ཚིག་མེད་པ་ནི་རྣམ་པར་རིག་པ་མེད་པ་སྟེ། བདག་དང
110b6 ཕ་རོལ་ཡང་དག་པར་རྗེས་སུ་མི་མཐོང་ངོ་། ། བདག་མེད་ཅིང་ཕ་རོལ་མེད་པས་ཆོས་གང་ལའང་ཕན་འདོགས་པའམ། གནོད་པ་བྱེད་པར་གནས་པ་མ་ཡིན་ནོ།། དེ་ལྟར་རྗེས་སུ་རྟོགས་པ་ནི
110b7 བདུད་ཀྱི་ཡུལ་ལས་ཡང་དག་པར་འདའ་བ་སྟེ། རིགས་ཀྱི་བུ་དེ་ནི་བྱང་ཆུབ་སེམས་དཔའི་བདུད་ཀྱི་ཡུལ་ལས་ཡང་དག་པར་འདའ་ཞེས་བྱ་བའི་ཆོས་ཀྱོ་སྒོའོ།། དེ་ནས་བྱང་ཆུབ་སེམས་དཔའ
iiif viewer powered by OpenSeadragon
