| e-texts navigator |
| Wylie |
110a1 བདུད་ཀྱི་ལས་མི་དམིགས་སོ། ། གང་ཆོས་ཀྱི་དབྱིངས་ཇི་ལྟ་བར་བདུད་ཀྱི་ལས་ཀྱང་དེ་བཞིན་ཏེ། ཆོས་ཀྱི་དབྱིངས་དེ་བཞིན་ཉིད་ལས་ཐ་མི་དད་དོ།། དེ་ལྟར་ཚུལ་གཅིག་ལ་འཇུག
110a2 པའི་རྗེས་སུ་སོང་བའི་བྱང་ཆུབ་སེམས་དཔའ་ནི་བདུད་ཀྱི་ཡུལ་ལས་ཡང་དག་པར་འདའ་འོ། ། བྱང་ཆུབ་སེམས་དཔའ་སྤོས་ཀྱི་གླང་པོའི་བལ་གླང་གིས་སྨྲས་པ། ཉམ་ཆུང་བ་ལ་ནི་བདུད་ཀྱིས་གླགས
110a3 རྙེད་དེ། སྟོབས་དང་ལྡན་པ་ལ་ནི་བདུད་ཀྱིས་གླགས་མི་རྙེད་དོ།། དེ་ལ་ཉམ་ཆུང་བ་དེ་ནི་རྣམ་པར་ཐར་པའི་སྒོ་གསུམ་གྱིས་སྐྲག་པའོ།། དེ་ལ་སྟོབས་དེ་ནི་རྣམ་པར་ཐར་པའི་སྒོ་གསུམ་གྱིས་མི་སྐྲག
110a4 པ་སྟེ། མངོན་སུམ་པས་ན་མི་སྐྲག་གོ།། ཤིན་ཏུ་རྟོགས་པས་ན་མི་སྐྲག་གོ།། རབ་ཏུ་བསྒོམས་པས་ན་མི་སྐྲག་སྟེ། དེ་སྐྲག་པ་མེད་པས་བདུད་ཀྱི་ཡུལ་ལས་ཡང་དག་པར་འདའའོ།། དེ་ནི་བདུད
110a5 ཀྱི་ཡུལ་ལས་ཡང་དག་པར་འདའ་བ་ཞེས་བྱ་བ་ཆོས་སྣང་བའི་སྒོའོ། ། བྱང་ཆུབ་སེམས་དཔའ་བྱམས་པས་སྨྲས་པ། འདི་ལྟ་སྟེ། དཔེར་ན་རྒྱ་མཚོ་ཆེན་པོའི་ཆུ་རོ་གཅིག་པ་བཞིན་དུ། ཆོས་ཀྱི་ཡེ
110a6 ཤེས་ཀྱི་རྒྱ་མཚོ་འདིར་ཆོས་ཐམས་ཅད་ཀྱང་རོ་གཅིག་གོ། ། གང་བདུད་ཀྱི་ལས་རྣམས་དང་། གང་སངས་རྒྱས་ཀྱི་འཕྲིན་ལས་དེ་དག་ཐམས་ཅད་ནི་སྟོང་པ་ཉིད་མཚུངས། མཚན་མ་མེད་པར་མཚུངས།།
110a7 སྨོན་པ་མེད་པར་མཚུངས། སྐྱེ་བ་མེད་པར་མཚུངས་འབྱུང་བ་མེད་པར་མཚུངས་ཏེ། རོ་གཅིག་པ་ལ་ཞུགས་པའི་བྱང་ཆུབ་སེམས་དཔའ་ནི་བདུད་ཀྱི་ཡུལ་ལས་ཡང་དག་པར་འདའ་འོ།།
iiif viewer powered by OpenSeadragon
