| e-texts navigator |
| Wylie |
109a1 དཔའ་དབང་བསྐུར་བ་ཐོབ་པ་ཆོས་རིན་པོ་ཆེའི་འཁོར་དང་ལྡན་པའང་བདུད་ཐམས་ཅད་ཀྱིས་མི་འཇིགས་སོ། ། དེ་ལ་དབང་བསྐུར་བ་དེ་ནི་སངས་རྒྱས་ཀྱི་ཆོས་མཐར་ཕྱིན་པ་རྣམས།
109a2 ཡོངས་སུ་རྫོགས་པའོ།། ཆོས་རིན་པོ་ཆེའི་འཁོར་ནི་གང་ཕྱོགས་བཅུའི་སངས་རྒྱས་ཀྱིས་གསུངས་པའི་ཆོས་རྣམས་འཛིན་པའོ།། དེ་ལྟ་བུ་ལ་གནས་པའི་བྱང་ཆུབ་སེམས་དཔའ་ནི་བདུད་ཀྱི
109a3 ཡུལ་ཐམས་ཅད་ལས་ཡང་དག་པར་འདས་པ་ཞེས་བྱ་བ་སྟེ། འདི་ནི་བདུད་ཀྱི་ཡུལ་ལས་ཡང་དག་པར་འདའ་ཞེས་བྱ་བའི་ཆོས་ཀྱི་སྒོའོ།། བྱང་ཆུབ་སེམས་དཔའ་རི་རྡོབ་རྒྱལ་པོས་སྨྲས་པ།
109a4 དེ་འདི་ལྟ་སྟེ། དཔེར་ན་བུ་གར་རླུང་འཇུག་པ་དེ་བཞིན་དུ། གང་ནས་གང་དུ་སེམས་ཀྱི་བུ་ག་ཡོད་པ་དེ་དང་དེར་བདུད་ཀྱིས་གླགས་རྙེད་དོ།། དེ་ལྟ་བས་ན་བྱང་ཆུབ་སེམས་དཔས་རྟག་ཏུ་བུ་ག་མེད
109a5 པར་བྱའོ། ། དེ་ལ་བུ་ག་མེད་པའི་སེམས་ནི་འདི་ལྟ་སྟེ། རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ཡོངས་སུ་རྫོགས་པ་སྟེ། འདི་ནི་བྱང་ཆུབ་སེམས་དཔའ་བདུད་ཀྱི་ཡུལ་ལས་ཡང
109a6 དག་པར་འདའ་ཞེས་བྱ་བའི་ཆོས་ཀྱི་སྒོའོ། ། བྱང་ཆུབ་སེམས་དཔའ་མཐོང་ན་དགའ་བས་སྨྲས་པ། གང་ཇི་སྙེད་ཅུང་ཟད་མཐོང་བའི་ནང་ན་སངས་རྒྱས་མཐོང་བ་དང་། ཆོས་མཐོང་བ་ནི་དེ་དག་གི
109a7 མཆོག་ཅེས་བྱའོ། ། དེ་ལ་སངས་རྒྱས་མཐོང་བ་དེ་ནི་གང་གཟུགས་སུ་མི་མཐོང་བ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པར་མི་མཐོང་བ་སྟེ།
iiif viewer powered by OpenSeadragon
