| e-texts navigator |
| Wylie |
98b1 སེམས་དཔའ་ཆེན་པོ་འདི་དག་དབུགས་རྔུབ་པ་དང་། དབུགས་འབྱུང་བ་ཐམས་ཅད་དུ་ཉེ་བར་ལེན་པའི་ཕུང་པོ་ལྔ་པོ་དག་གི་སྐྱེ་བ་དང་། འཇིག་པ་ལ་རྟོག་པར་བྱེད་དེ། དེས་ན་སྲེད་པ་དང་། ཆགས།།
98b2 པ་དག་སྐེམས་པར་ཡང་བྱེད་ལ། ངེས་པ་ལ་འཇུག་པར་ཡང་མི་བྱེད་དོ།། རྫུ་འཕྲུལ་གྱི་རྐང་པ་བཞིས་རྣམ་པར་རྩེ་བ་མངོན་པར་ཤེས་པ་ཡིན་ནོ།། སངས་རྒྱས་བཅོམ་ལྡན་འདས་དེ་དག་ཐམས
98b3 ཅད་ལ་མཆོད་པ་དང་། བཀུར་སྟི་བྱ་བ་དང་། དམ་པའི་ཆོས་མཉན་པའི་ཕྱིར། སངས་རྒྱས་ཀྱི་ཞིང་ཐམས་ཅད་དུ་གློག་ལྟ་བུའི་ཤུགས་ཀྱིས་འགྲོ་བ་ལ་མཁས་པའང་ཡིན་ནོ།། སེམས་ཅན་རྣམས་ཀྱི
98b4 ལམ་གསུམ་པོ་ལས་ཀྱི་ལམ་དང་ཉོན་མོངས་པའི་ལམ་དང་། སྡུག་བསྔལ་གྱི་ལམ་དག་སྐེམ་པར་ཡང་བྱེད་དོ།། འདོད་པའི་ཁམས་ལས་ཡང་དག་པར་འདའ་བར་ཡང་བྱེད་ལ། འདོད་པའི
98b5 ཁམས་དག་གཏོང་བར་ཡང་མི་བྱེད་དོ། ། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར། འགྲོ་བ་སྣ་ཚོགས་ཀྱི་སྐྱེ་བའི་ས་དག་སྟོན་པར་ཡང་བྱེད་ལ། མངལ་གྱི་ཉེས་པས་གོས་པར
98b6 ཡང་མི་བྱེད་དོ། ། སེམས་ཅན་རྣམས་ཀྱི་ཉོན་མོངས་པའི་དྲ་བ་གཅོད་པར་ཡང་བྱེད་ལ། སེམས་ཅན་རྣམས་དམིགས་པར་ཡང་མི་བྱེད་དོ།། དཔལ་ཆོ་ག་ཤེས་འདི་ལ་བྱང་ཆུབ་སེམས་དཔའ
98b7 སེམས་དཔའ་ཆེན་པོ་དག་དབུགས་རྔུབ་པ་དང་། དབུགས་འབྱུང་བ་ཕན་ཚུན་མི་འདྲ་བ་ལའང་ཇི་ལྟ་བ་བཞིན་རྟོགས་པར་ཡང་བྱེད་ལ། འཕྲལ་འཕྲལ་དུ་དེ་ཤེས་པར་ཡང་མི་བྱེད་དོ།། དབུགས་རྔུབ
iiif viewer powered by OpenSeadragon
