| e-texts navigator |
| Wylie |
98a1 ཁམས་གསུམ་ལས་ཡང་དག་པར་འདས་པ། མི་སློབ་པའི་ས་ལ་རབ་ཏུ་གནས་པ། རྣམ་པར་ཐར་པ་བརྒྱད་ལ་བསམ་གཏན་པས་རྣམ་པར་རྩེ་བ་མངོན་པར་ཤེས་པ། ཕ་རོལ།
98a2 ཏུ་ཕྱིན་པ་ཐོབ་པ། བསྐལ་པས་ངེས་པར་འབྱུང་བ། སངས་རྒྱས་བཅོམ་ལྡན་འདས་ཐམས་ཅད་ཀྱི་ཞལ་ནས་སྐྱེས་པ། ཆོས་དང་ལྡན་ཞིང་ཆོས་ཀྱིས་སྤྲུལ་པ་དེ་དག་གིས་ནི། སངས་རྒྱས་བཅོམ
98a3 ལྡན་འདས་དག་ལ་མཆོད་པ་དང་། བཀུར་སྟི་བྱ་བ་དང་། ཆོས་མཉན་པའི་ཕྱིར་སངས་རྒྱས་ཀྱི་ཞིང་གཞན་དག་ཏུ་འགྲོ་བར་ཡང་མི་ནུས་ལ། སེམས་ཅན་གཞན་དག་དང་། གང་ཟག་གཞན་དག
98a4 གི་ལམ་གསུམ་པོ་དག་ཀྱང་བསྐམ་པར་མི་ནུས་སོ། ། གང་ན་ཉན་ཐོས་བསམ་གཏན་གྱིས་རྣམ་པར་རྩེ་བ་མངོན་པར་ཤེས་པ་དག་ནི་དེ་ལྟ་བུ་ཡིན་ལ། ཡུལ་འཁོར་དེའི་ཡོན་ཏན་དང་ཕན་ཡོན་ནི་དེ་ལྟ
98a5 བུ་ཡིན་ཏེ། སྔར་ཇི་སྐད་གསུངས་པ་ལྟ་བུའོ།། འདུས་པ་ཆེན་པོ་ཐོག་པ་ཆེན་པོའི་མདོ་བཅོ་ལྔ་པ་རིའི་སྙིང་པོའི་ལེའུ་ལས། ཉན་ཐོས་མཚོན་པ་སྟེ་དང་པོ་རྫོགས་སོ།།
98a6 ། དཔལ་ཆོ་ག་ཤེས་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ཉན་ཐོས་དང་། རང་རྒྱལ་ཐམས་ཅད་ཀྱི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་སྦྱོང་བ་ཐུན་མོང་དུ།
98a7 གཞུག་པ་དང་། གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་དག། ཕ་རོལ་ཏུ་ཕྱིན་པ་ལྷག་མ་ལྔ་པོ་འདི་དག་ཡོངས་སུ་རྫོགས་པར་བྱེད་ཅེ་ན། དཔལ་ཆོ་ག་ཤེས་བྱང་ཆུབ་སེམས་དཔའ
iiif viewer powered by OpenSeadragon
