| e-texts navigator |
| Wylie |
97b1 བའི་སྒྲ་དང་། ཕྱི་དགྲ་དང་། ནང་འཁྲུག་གི་དཔུང་དག་དང་། ལོ་ཉེས་དང་། ནད་དང་། དུས་མ་ཡིན་པའི་ནད་དང་། འཆི་བ་དག་མི་འབྱུང་ངོ་།། དེ་ན་སེམས་ཅན་རྣམས་ཚེ་རིང་ཞིང་ཁ་དོག་དང་ལྡན་ནོ།།
97b2 བདེ་བ་མང་ཞིང་སེམས་ལ་རྙོག་པ་མེད་དོ།། རྩེ་དགའ་དང་མཚུངས་པར་ལྡན་ཞིང་ཆོས་སྤྱོད་ལ་མཐོ་རིས་དག་ལ་གཞོལ་ལོ།། ཡུལ་འཁོར་དེ་ན་སྦྱིན་གནས་སྣོད་དུ་གྱུར་པ་དག་རྣལ་འབྱོར་ཡིད་ལ་བྱེད་པ་དང
97b3 འཐུན་པར་མངོན་པར་དགའ་བ་དང་བཅས་པ་གནས་སོ། ། དེ་ན་བཟའ་བཏུང་གི་ལོངས་སྤྱོད་མ་ཚང་བ་མེད་དོ།། འབྱུང་བ་ཆེན་པོ་ཡིད་དུ་འོང་བ་དག་གིས་བརྟེན་ཏོ།། དབང་པོ་དང་ཁམས་དག་རྒྱས
97b4 ཤིང་མི་མཐུན་པ་མེད་དོ། ། ཡུལ་འཁོར་དེ་ན་མི་རྣམས་དགའ་ཞིང་དྲན་པ་དང་ལྡན་ལ། བྱམས་པ་དང་། སྙིང་རྗེ་དང་ལྡན་ཞིང་མཐོ་རིས་དག་ལ་གཞོལ་ལོ།། དཔལ་ཆོ་ག་ཤེས་ཡུལ་འཁོར་དེ་ཆོས
97b5 བཅུ་པོ་དེ་དག་གིས་ལེགས་པར་བརྒྱན་པ་ཡིན་ནོ། ། དཔལ་ཆོ་ག་ཤེས་བྱང་ཆུབ་སེམས་དཔའ་རྣམས་ཀྱི་ལས་ཀྱི་སྒྲིབ་པ་ནི་འདི་ཡིན་ཏེ། ཐེག་པ་ཆེན་པོ་གཏོང་བ་དང་། སླུ་ཞིང་ཉན་ཐོས་ཀྱི་ས་ལ
97b6 འཇོག་པར་བྱེད་པའོ། ། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར། ཉན་ཐོས་ཀྱི་བསམ་གཏན་དང་། ཏིང་ངེ་འཛིན་གྱིས་རྣམ་པར་རྩེ་བའི་ཕ་རོལ་ཏུ་ཕྱིན་པ་ནི་དེ་ལྟ་བུ་ཡིན་ནོ།། ཉན་ཐོས
97b7 གང་དག་གིས་བསམ་གཏན་གྱི་ཡན་ལག་ཡོངས་སུ་རྫོགས་པར་མི་ཤེས་པ་དེ་དག་ནི་ཁམས་གསུམ་གྱི་བཙོན་རའི་གནས་ཀྱི་ཡན་ལག་ལྔ་མ་སྤངས་ཤིང་ཡན་ལག་ལྔ་དང་ལྡན་པ་ཡིན་ནོ། ། གང་དག
iiif viewer powered by OpenSeadragon
