| e-texts navigator |
| Wylie |
97a1 བར་དུའོ། ། ཡུལ་འཁོར་དེའི་རྒྱལ་པོའང་ཡིད་དང་འཐུན་པའི་ཆོས་བཅུ་ཐོབ་པར་འགྱུར་ཏེ། བཅུ་གང་ཞེ་ན། ནད་མེད་པ་དང་། ནད་ཐམས་ཅད་རབ་ཏུ་ཞི་བ་དང་། ཚེ་རིང
97a2 བ་དང་། གཟུགས་བཟང་བ་དང་། མདོག་བཟང་པོ་དང་ལྡན་པ་དང་། ཡན་ལག་དང་། ཉིང་ལག་སྡུག་པ་དང་། འཁོར་སྐྱེ་བོ་བཟང་བ་དང་། ལས་ཀྱི་མཐའ་ལེགས་པར་སྤྱད་པ་སྤྱོད་པ་དང་།
97a3 བྱམ་པ་དང་།། སྙིང་རྗེ་ལ་སྦྱོར་བ་དང་། སྙན་པར་གྲགས་པ་དག་སྟེ། ཏིང་ངེ་འཛིན་དེ་ལྟ་བུ་དག་དང་ལྡན་པའི་སྦྱིན་གནས་སྣོད་དུ་གྱུར་པ། མཐོ་རིས་སུ་འགྲོ་བའི་ཡུལ་འཁོར་དེ་ནི་ཡོན་ཏན་དང་།
97a4 ཕན་ཡོན་ཆེན་པོ་བཅུ་པོ་དེ་དག་གིས་རྒྱས་པར་འགྱུར་རོ།། རང་གི་དཔུང་དང་། གཞན་གྱི་དཔུང་དང་། ཆོམ་རྐུན་དང་། མི་རྒོད་དང་། རི་དགས་དང་། སྟག་དང་། སྦྲང་མ་དང་། ཤ་སྦྲང་དང་།
97a5 ཕྱེ་མ་ལེབ་དང་། ཆར་ཆེས་པ་དང་། ཐན་ཆེན་པོ་དང་། དུས་མ་ཡིན་པའི་རླུང་དང་། ལྷགས་པ་དང་། ཉི་མས་གདུངས་པ་དང་། ཚ་བའི་རེག་པ་དག་གིས་གནོད་པར་མི་འགྱུར་རོ།། ཡུལ་འཁོར་དེ
97a6 ས་གཞི་མཉམ་སྟེ། དགོན་པ་དང་གཅོང་རོང་མེད་དོ།། ཚ་བ་དང་ཁ་བ་མེད་དོ།། དེ་ན་ས་བོན་སྣ་ཚོགས་དག་འཕེལ་ལོ།། འབྲུ་དང་། སྨན་དང་། རྩཝ་དང་། ཤིང་དང་། ཤིང་ལྗོན་པ་དང་།
97a7 ཆུདྲུདག་ཕུན་སུམ་ཚོགས་ཤིང་། ཆུད་མི་ཟ་བར་འབྱུང་ངོ་།། དེ་ན་མེ་ཏོག་དང་། སྨན་དང་། འབྲུ་དང་། རོ་རྣམས་ཆུད་མི་ཟ་བར་ཕུན་སུམ་ཚོགས་པར་འགྱུར་རོ།། ཡུལ་འཁོར་དེར་ཡིད་དུ་མི་འོང
iiif viewer powered by OpenSeadragon
