| e-texts navigator |
| Wylie |
96b1 བས་རྣམ་པར་རྩེ་བའི་ཏིང་ངེ་འཛིན་གྱི་རྣལ་འབྱོར་དེ་ལྟ་བུ་དེ་ལ་གནས་ནས། རྣམ་པར་ལྡོག་པ་མི་བྱེད་ལ། ཉན་ཐོས་ཀྱི་ངེས་པ་ལ་འཇུག་པར་ཡང་མི་བྱེད་དོ།། བྱང་ཆུབ་སེམས་དཔའ་སེམས
96b2 དཔའ་ཆེན་པོ་དེ་དག་གོ་ཆ་ཆེན་པོ་བགོས་ནས། བསམ་གཏན་གྱི་ཕ་རོལ་ཏུ་ཕྱིན་པ་དང་། སོ་སོ་ཡང་དག་པར་རིག་པ་བཞི་ལ་སྦྱོར་བ་ཡོངས་སུ་སྦྱོར་བ་ལ་གནས་པ་ནས། བསམ་གཏན་གྱི་ཕ་རོལ་ཏུ
96b3 ཕྱིན་པ་ཡོངས་སུ་རྫོགས་པར་བྱེད་པ་དང་། དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར་བའི་བར་དུའོ།། དཔལ་ཆོ་ག་ཤེས་ཡུལ་འཁོར་དེ་ན་དགེ་སློང་དང་། དགེ་སློང་མ་དང་། དགེ་བསྙེན
96b4 དང་། དགེ་བསྙེན་མ་དང་། ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་དང་། རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་པ་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་རིགས
96b5 ཀྱི་བུ་དང་། རིགས་ཀྱི་བུ་མོ་དག་བསམ་གཏན་ཡོངས་སུ་སྦྱོང་བས་རྣམ་པར་རྩེ་བ་ཡིད་ལ་བྱེད་པ་དེ་ལྟ་བུ་དག་གིས་གནས་པ་ནས། ཡུལ་འཁོར་དེར་ལྷའི་དབང་པོ་ཐམས་ཅད་ཀྱིས་ལེགས་པར
96b6 བསྲུངས་པར་འགྱུར་རོ། ། ཡུལ་འཁོར་དེ་ཀླུའི་དབང་པོ་དང་། གནོད་སྦྱིན་གྱི་དབང་པོ་དང་། ལྷ་མ་ཡིན་གྱི་དབང་པོ་དང་། ནམ་མཁའ་ལྡིང་གི་དབང་པོ་དང་། མི་འམ་ཅིའི་དབང་པོ་དང་། ལྟོ་འཕྱེ།
96b7 ཆེན་པོའི་དབང་པོ་དང་། ཡི་དགས་ཀྱི་དབང་པོ་དང་། ཤ་ཟའི་དབང་པོ་ཐམས་ཅད་ཀྱིས་ལེགས་པར་བསྲུངས་པར་འགྱུར་རོ།། དེ་ན་ཏིང་ངེ་འཛིན་དེ་ལྟ་བུ་དང་ལྡན་པའི་སྦྱིན་གནས་ངག་འཁོད་པའི
iiif viewer powered by OpenSeadragon
