| e-texts navigator |
| Wylie |
95a1 བདག་པོ་མེད་པ་དང་། ཐམས་ཅད་སྐད་ཅིག་མ་འཇིག་པ་དང་ལྡན་པར་རྟོགས་ཏེ། དེ་དེ་ལྟར་དགའ་བ་དང་། བདེ་བ་རབ་ཏུ་གཏོང་བར་བྱེད་དོ།། དེས་དེར་བསམ་གཏན་གསུམ
95a2 པའང་ཐོབ་པ་ཡིན་ནོ། ། གང་དུ་ཆོས་དེ་དག་འཕེལ་བཞིན་དུ་འགོག་པ་ཡིད་ལ་བྱེད་པའི་སེམས་ཀྱིས་བསམ་གཏན་བཞི་པ་རྫོགས་པར་བྱས་ཏེ་གནས་པ་དེ་ལ་མཚན་མ་འདི་དག་འབྱུང་སྟེ། ངེས་མིག་གཉིས་ཀ།
95a3 བཙུམས་ཀྱང་ཉི་མའི་སྣང་བ་ཆེན་པོ་ལྟ་བུར་སྣང་བ་དག་ཡང་དག་པར་ལྟ་བར་བྱེད་པ་ན། དེ་འདི་སྙམ་དུ་མཚན་མའི་སྟོབས་སྣང་བའི་རྐྱེན་ལས་སེམས་ཐམས་ཅད་ཀྱི་ཕུང་པོ་དང་། ཁམས་དང་། སྐྱེ་མཆེད།
95a4 དང་། ཉོན་མོངས་པ་དང་། ཉེ་བའི་ཉོན་མོངས་པ་རྣམ་པར་འཕེལ་ཞིང་འབར་བས། བདག་གིས་ཅི་ནས་ཀྱང་ཡིད་ལ་བྱེད་པའི་སེམས་ཀྱི་དམིགས་པའི་སྣང་བ་དག་དོར་བར་བྱའོ་སྙམ་དུ་སེམས་སོ།། དེ་དེར
95a5 དེའི་ཚོར་བ་དང་། འདུ་ཤེས་དང་། སེམས་པ་དང་། རེག་པ་གང་ཡིན་པ་ཡིད་ལ་བྱེད་པ་ཀུན་འབྱུང་བ་དག་སྐྱེ་ཞིང་འཇིག་པ་དང་། འགོག་པའི་ཚུལ་གྱིས་རབ་ཏུ་ཞི་བར་བྱེད་ལ། འགོག་པའི་གྲོང་ཁྱེར
95a6 ཤིན་ཏུ་ཡོངས་སུ་དག་པར་འཇུག་པར་ཡང་བྱེད་དོ། ། དེ་ལུས་དང་། ངག་དང་། ཡིད་ལ་བྱེད་པ་ཤིན་ཏུ་སྦྱངས་པ་ལ་གནས་སོ།། ཡང་དེ་ལས་ཀྱང་ལྡང་ངོ་།། ཡང་ན་རྔུབ་པ་དང་། དབུགས
95a7 འབྱུང་བའི་མཚན་མ་དག་འཛིན་པར་བྱེད་ལ། རེག་པ་ཡིད་ལ་བྱེད་པས་མཚན་མ་ལ་ཉེ་བར་རྟོག་པར་ཡང་བྱེད་དོ།། ཡང་སྟོང་པ་ཉིད་ཀྱི་ཏིང་ངེ་འཛིན་ལ་འཇུག་པར་ཡང་བྱེད་ལ། ཡང་ན་དབུགས
iiif viewer powered by OpenSeadragon
