| e-texts navigator |
| Wylie |
94b1 བྱེད་དོ། ། གང་གི་ཚེ་བརྩོན་པ་དྲག་པོས་ཡིད་ལ་བྱེད་ཅིང་གནས་པ་དེ་ན། དེ་རྣམ་པར་རྟོག་པ་དང་། རྣམ་པར་དཔྱོད་པར་ཉེ་བར་ཞི་བ་ཡིན་ཏེ། དེས་ན་རྣམ་པར་རྟོག་པ་དང་། རྣམ་པར་དཔྱོད་པ་མེད
94b2 པའི་བསམ་གཏན་གཉིས་པ་ཐོབ་པ་ཡིན་ནོ། ། དེ་ལྟར་དེའི་ལུས་ཐམས་ཅད་ཤིན་ཏུ་སིམ་པ་དང་། བདེ་བ་དང་། ཚིམ་པར་འགྱུར་བ་ནི། དཔེར་ན་འོ་མ་འཇམ་ཙམ་གྱིས་ལུས་ལ་ཅིག་ཅར་བླུགས་ན་བདེ་བ་མྱོང
94b3 བ་ཡིན་ནོ། ། དེས་བདག་ནི་འདི་ལྟར་གྱུར་པར་ཤེས་ཏེ། དེ་ཟང་ཟིང་མེད་པའི་དགའ་བ་དང་། བདེ་བ་དེ་ལྟ་བུ་དང་ལྡན་ནོ་སྙམ་དུ་ཤེས་སོ།། བྱང་ཆུབ་སེམས་དཔའ་དེས་དཀོན་མཆོག་གསུམ་ལ་དད་པ་ཐོབ
94b4 ནས། དེ་འདི་སྙམ་དུ་བདག་གིས་ནི་སེམས་ཅན་ཐམས་ཅད་ཀྱི་དོན་དུ་གོ་ཆ་ཆེན་པོ་བགོས་ནས། བསམ་གཏན་ལ་མངོན་པར་བརྩོན་པར་བྱ་ཞིང་། བདག་གིས་ཅི་ནས་ཀྱང་ལུས་དང་སེམས་ཀྱི་བདེ་བའང་དོར
94b5 བར་བྱའོ་སྙམ་དུ་སེམས་སོ། ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དབུགས་རྔུབ་པ་དང་། དབུགས་འབྱུང་བ་གོམས་པར་བྱ་བ་སེམས་ཀྱི་དམིགས་པ་དག་འདོར་བར་བྱེད་དོ།། དེ་སྣའི་རྩེ་མོར
94b6 སེམས་གཏོད་པ་བྱེད་དེ། གང་གིས་འཇུག་པ་དང་ངེས་པར་འབྱུང་བ་དབུགས་རྔུབ་པ་དང་། དབུགས་འབྱུང་བ་ལ་གནས་པའི་སེམས་ཀྱི་ཉེ་བར་རྟོག་པར་བྱེད་དོ།། དེ་སེམས་དེའི་སྐད་ཅིག་མ་ལ་ཞིག་པ་དང་།
94b7 སྐྱེ་བ་དང་། འཇིག་པ་ཉེ་བར་རྟོག་པ་བྱེད་དེ། སེམས་དང་། ཡིད་དང་། ཕུང་པོ་དང་། ཁམས་དང་། སྐྱེ་མཆེད་ཐམས་ཅད་ལ་ཆུ་ཟླ་དང་། མིག་ཡོར་དང་། སྨིག་རྒྱུ་ལྟ་བུ་དང་། གློག་ལྟ་བུ་དང་།
iiif viewer powered by OpenSeadragon
