| e-texts navigator |
| Wylie |
92b1 རྣམས་དགེ་བ་བཅུའི་ལས་ཀྱི་ལམ་གྱིས་ཡོངས་སུ་སྨིན་པར་བགྱིད་པ་དང་། སངས་རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན་མ་མཆིས་པ་ལ་འཇུག་པར་བགྱིད་པ་ནས། ཆོས་ཀྱི་རྒྱལ་པོ་བླ་ན་མ་མཆིས་པར་དབང
92b2 བསྐུར་བ་རབ་ཏུ་ཐོབ་པར་བགྱིད་པའི་བར་དུའོ། ། བཙུན་པ་བཅོམ་ལྡན་འདས་འདི་ན་སེམས་ཅན་གང་དག་ཕྲ་མ་དང་། ཚིག་རྩུབ་པོ་དང་། ཆགས་སེམས་དང་། གནོད་སེམས་ཀུན་ཏུ་སྤྱོད་པའི་ཡིད་ཀྱིས།།
92b3 དེ་དག་འཇིག་ཚོགས་ལ་ལྟ་བ་དང་ལྡན་ཞིང་ལོངས་སྤྱོད་དང་ཉེ་བར་སྤྱོད་པ་དང་བྲལ་ལ། ཆོལ་ཁྲོས་སྡུག་བསྔལ་ཞིང་ཉམ་ཐག་པ་དག་མཆིས་ཏེ། སེམས་ཅན་དེ་དག་རབ་ཏུ་འབྱུང་བའི་ཚུལ་ཁྲིམས་དང་སྡོམ་པ་མ
92b4 མཆིས་པར་ཡོངས་སུ་སྨིན་པར་བགྱིད་པར་རྔོ་མི་ཐོགས་པས། སེམས་ཅན་ཕྲ་མ་དང་། ཚིག་རྩུབ་པོ་དང་། ཆགས་སེམས་དང་། གནོད་སེམས་ཀུན་ཏུ་སྤྱོད་ཅིང་། འཇིག་ཚོགས་ལ་ལྟ་བ་དང་ལྡན་པ
92b5 ཡང་བ་སྤྱོད་པ་དེ་དག་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྙིང་རྗེ་ཆེན་པོ་དག་སྐྱེད་པར་བགྱིད་དེ། བཅོམ་ལྡན་འདས་སེམས་ཅན་དེ་དག་མི་རྟག་པའི་ཚུལ་གྱིས་བསྟན་པ་ལ་འཇུག་པར
92b6 བགྱིད་པ་དང་། རབ་ཏུ་འབྱུང་བའི་སྡོམ་པས་སེམས་ཅན་རྣམས་ཡོངས་སུ་སྨིན་པར་བགྱིད་པའང་། བདག་ཅག་གིས་བཟོད་པ་དང་། བརྩོན་འགྲུས་བརྩམས་ནས། བདག་ཅག་གི་རབ་ཏུ་འབྱུང་བའི
92b7 ས་དོམ་པའི་གཟིངས་ཀྱིས་སྐྱེ་བའི་རྒྱ་མཚོ་ལས་བསྐལ་བར་བགྱིའོ་ཞེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཚུལ་ཁྲིམས་ལས་བྱུང་བའི་བསོད་ནམས་བགྱི་བའི་དངོས་པོ་རྟག་པའི་ཚུལ་གྱིས
iiif viewer powered by OpenSeadragon
