| e-texts navigator |
| Wylie |
91b1 སེམས་དཔའ་ཐམས་ཅད་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཚངས་པ་ཆེན་པོའི་ཕུར་བུ་མཐའ་ཡས་མུ་མེད་པ་ལུང་བསྟན་པ། དྲང་སྲོང་རྣམས་ཀྱིས
91b2 གནས་ཐུབ་པའི་རྟེན་རི་ཐེར་སྒྲལ་ལ། ཉན་ཐོས་ཀྱི་དགེ་འདུན་ཆེན་པོ་ལ་འདི་ལྟ་སྟེ། བཅོམ་ལྡན་འདས་ཀྱི་ཉན་ཐོས་བགྲང་བ་ལས་འདས་པ་དག་དང་། བྱང་ཆུབ་སེམས་དཔའི་དགེ་འདུན་ཆེན་པོ་འདི་ལྟ་སྟེ།
91b3 ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ནས་དེར་འདུས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བགྲང་བ་ལས་འདས་པ་དག་དང་ཐབས་གཅིག་ཏུ་བཞུགས་སོ།། དེའི་ཚེ་འཁོར་འདུས་པ
91b4 དེ་ན་དཔལ་ལྷ་མོ་ཆེན་མོ་ཆོས་ཉན་པའི་ཕྱིར། བཅོམ་ལྡན་འདས་ཀྱི་སྤྱན་སྔ་ཐག་མི་རིང་བ་ཞིག་ན་འདུག་གོ།། དེ་ནས་དཔལ་ལྷ་མོ་ཆེན་མོ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ
91b5 ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་འདི་ནི་སྦྱིན་པ་ལས་བྱུང་བའི་བསོད་ནམས་བགྱི་བའི་དངོས་པོའི་གཟུངས་ཀྱི་སྐྱེ
91b6 བའི་རྒྱ་མཚོ་ལས་སྒྲོལ་བར་མི་བགྱིད་པ་དག་མཆིས་ལེགས་སོ། ། དེ་ཅིའི་སླད་དུ་ཞེ་ན། སངས་རྒྱས་ཀྱི་ཞིང་ཉོན་མོངས་པ་ཅན་སྙོགས་མ་ལྔ་དང་ལྡན་པ་འདི་ན། སེམས་ཅན་བསོད་ནམས་སུ་གདགས
91b7 པ་དང་བྲལ་བ་དག་ཕལ་ཆེ་ལགས་ཏེ། རྒྱུ་དང་རྐྱེན་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འདིར་སེམས་ཅན་རྣམས་ལ་སྙིང་རྗེ་ཆེན་པོ་དག་སྐྱེད་པར་བགྱིད་ལགས་སོ།། འདི་ན་སེམས་ཅན
iiif viewer powered by OpenSeadragon
