| e-texts navigator |
| Wylie |
133a1 སེམས་ཅན་འགའ་ཡི་དོན་སླད་དུ།། ལུས་དང་སྲོག་དག་བཏང་ནས་ཀྱང་།། དཀའ་ཐུབ་བརྟུལ་ཞུགས་སྤྱོད་ལྡན་པ།། དཀའ་བ་དག་ནི་མང་དུ་སྤྱད།། གང་ཚེ་སེམས་ཅན
133a2 འགའ་སླད་དུ། ། བསྐལ་བརྒྱར་སྡུག་བསྔལ་སེལ་བགྱིད་ན།། དཀའ་ཐུབ་བརྟུལ་ཞུགས་བཟོད་པར་བགྱི།། སེམས་ཅན་ཡོངས་སུ་སྨིན་སླད་གནས།། དེ་འདྲའི་བསམ་དང་ལྡན་པ་ཡིས།། སེམས
133a3 ཅན་སྲེད་པའི་བསམ་པ་ཅན། ། སེམས་ནི་བྱང་ཆུབ་སྔོ་བགྱིད་སྐུལ།། དེ་ནས་དཔལ་ལྷ་མོ་ཆེན་མོས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་བྲེ་བོ་ལོ་ཏོག
133a4 གིས་བཀང་བ་དེ་ཕུལ་ནས་སྨྲས་པ། གླིང་བཞི་པ་འདིའི་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་གིས་རྒྱུར་ས་བོན་དང་། ལོ་ཏོག་ཐམས་ཅད་འཕེལ་བར་བགྱི་བ་དང་། གྲུབ་པར
133a5 བགྱི་བའི་སླད་དུ་སྐྱེས་བུ་དམ་པ་ཁྱོད་ལ་ལྷུང་བཟེད་དབུལ་ལོ། ། དེས་ན་དགེ་བའི་རྩ་བ་ཡང་དག་པར་ཆད་པ། མ་རུངས་པ། གཏུམ་པོ། དྲག་ཤུལ་ཅན་ཀུན་སྡུག་བསྔལ་ཐམས་ཅད་ལས་བསྒྲལ
133a6 བ་དང་། བྱང་ཆུབ་ཀྱི་ས་བོན་ལ་བཞག་པར་རྔོ་ཐོག་གོ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བྲེ་བོ་ལོ་ཏོག་གིས་བཀང་བ་དེ་བླངས
133a7 ནས་ཕྱོགས་བཅུར་བལྟས་ཏེ། འདི་སྐད་ཅེས་སྨྲས་སོ།། སངས་རྒྱས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་དང་བཅས་པ་ཐམས་ཅད་དགོངས་སུ་གསོལ། གང་གིས
iiif viewer powered by OpenSeadragon
