| e-texts navigator |
| Wylie |
132b1 གྱིས་སྨོས་པ་དག། འཁྱལ་པ་དག་ཏུ་མི་བགྱིད་དོ།། ནོར་འཛིན་དེ་དག་འཛིན་པ་བཏང་།། སྲིད་པའི་འཇིགས་པ་རྣམ་པར་སྤངས།། གང་གིས་སྲེད་པ་བསྐམས་ནས་ཀྱང་།། དེ་དག་འཁོར་བར་མི
132b2 གནས་སོ། ། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཀྱང་འདི་སྐད་ཅེས་གསོལ་ཏོ།། ཞེ་སྡང་ཁྲོ་བས་སྐྱེ་དགུ་བརླམས།། སེམས་ཀྱང་གཡེངས་འགྱུར་དེ་ཡིས་ན།། དགེ་བ་ཐམས
132b3 ཅད་མི་འཚལ་ཞིང་། ། བཟོད་བརླག་ལས་ལ་སྤྱོད་པར་བགྱིད།། མི་དགེ་བ་ལ་གནས་བགྱིད་པ།། ཕ་མ་དག་ལ་རིམ་གྲོ་ཆུང་།། གང་དག་མཚམས་མ་མཆིས་བགྱིས་པ།། དཀོན་མཆོག་གསུམ་ལ་བརྙས
132b4 པར་བགྱིད། ། སྙིང་བརྩེ་སྙིང་རྗེ་མ་མཆིས་པ།། འཇིགས་བགྱིད་གཏུམ་པོ་དྲག་ཤུལ་ཅན།། ཁྲོ་སེམས་དབང་གིས་དེ་དག་ནི།། སེམས་དམྱལ་མནར་མ་མཆིས་པར་གནས།། སེམས་ཅན་འདི་དག
132b5 ཁྲོ་བའི་རྒྱུས། ། གཅིག་ལ་གཅིག་ནི་ཟ་བར་བགྱིད།། ཡང་དང་ཡང་ནི་ངན་སོང་དུ།། སྡུག་བསྔལ་དུ་མས་རབ་ཏུ་གཟིར།། སྡིག་པའི་སེམས་ཀྱིས་བྲིང་གྱུར་ཅིང་།། དགེ་བའི་བཤེས་གཉེན་སྤངས་ནས
132b6 ཀྱང་། ། སྲིད་པའི་མཚོར་ནི་ལྟུང་བ་སྟེ། མུན་པ་མུན་ནག་གཞོལ་བ་པོ།། དེ་འདྲའི་སེམས་ཅན་དོན་སླད་དུ།། བྱང་ཆུབ་སེམས་དཔའ་སྙིང་བརྩེ་བའི།། བསམ་པས་བདག་བདེ་བཏང་ནས་ཀྱང་།།
132b7 སེམས་ཅན་སྡིག་པ་བསལ་སླད་དུ།། བྱང་ཆུབ་སྤྱད་པ་སྤྱོད་པ་ན།། བསོད་ནམས་བགྱི་བའི་དངོས་གསུམ་གྱིས།། སྡིག་པའི་སེམས་ཅན་གྲོལ་བགྱིད་ཅིང་།། ཆོས་ཀྱི་རྒྱལ་མཚན་སྒྲེང་བར་བགྱིད།།
iiif viewer powered by OpenSeadragon
