| e-texts navigator |
| Wylie |
131b1 སྤྱོད་དང་། ཡོངས་སུ་སྤྱོད་པ་དང་མི་ལྡན་པས་ལུས་དང་། ངག་དང་། ཡིད་ཀྱི་སྡིག་པའི་ལས་མི་བཟད་པ་རྣམ་པ་སྣ་ཚོགས་དག་ཀུན་ཏུ་སྤྱོད་པར་བྱེད་དོ།། ལས་ཀྱི་སྒྲིབ་པ་མི་བཟད་པ་དེས་ན་སྔོན
131b2 དགེ་བའི་རྩ་བ་བསྐྱེད་པ་ཐམས་ཅད་ཀྱང་སྲེག་པར་བྱེད་དོ། ། སྐེམས་པར་བྱེད་དོ།། ཐལ་བར་རློག་པར་བྱེད་དོ།། དགེ་བའི་བཤེས་གཉེན་དག་སྤོང་ཞིང་། ངན་སོང་གསུམ་པོ་དག་ལ་གཞོལ་བར་བྱེད་དོ།།
131b3 ཁ་ཅིག་གོས་དང་། བཟའ་བ་དང་། བཏུང་བ་ཙམ་གྱི་ཕྱིར་ཚེ་གཅིག་གིས་དེ་ལྟ་བུར་སྡིག་པའི་ལས་མཚམས་མེད་པ་དག་གི་བར་དུ་ཀུན་ཏུ་སྤྱོད་པར་བྱེད་དེ། དེ་དག་བསྐལ་པ་མང་པོ་ཞིག་གི་བར་དུ་ཕྱིར་མིར་སྐྱེ་བ
131b4 ཐོབ་པར་མི་འགྱུར་རོ། ། གལ་ཏེ་དེ་དག་ཡུན་རིང་པོ་འདས་ནས་བརྒྱ་ལ་བརྒྱ་ལམ་ན་མིའི་ལུས་ཐོབ་ནའང་ཁ་ཅིག་ནི་ཡན་ལག་ཉམས་པར་འགྱུར་རོ།། ཁ་ཅིག་ནི་དྲན་པ་ཉམས་པར་འགྱུར་རོ།། གདོལ་པའི
131b5 རིགས་སུའང་སྐྱེ་བར་འགྱུར་རོ། ། གཡུང་པོའི་རིགས་དང་། སྨྱིག་མ་མཁན་གྱི་རིགས་དང་། བཀྲེན་པ་དབུལ་པོའི་རིགས་རྣམས་སུའང་སྐྱེ་བར་འགྱུར་རོ།། བཟའ་བ་དང་། བཏུང་བའི་ལོངས་སྤྱོད་དང
131b6 ཡོངས་སུ་སྤྱོད་པ་དག་དང་ཡང་བྲལ་བར་འགྱུར་ལ། ཡང་རྒྱུ་དེས་ན་དགེ་བའི་བཤེས་གཉེན་དང་བྲལ་ནས། ལུས་དང་། ངག་དང་། ཡིད་ཀྱི་ལས་ཀྱི་སྒྲིབ་པ་མི་བཟད་པ་དག་ཀུན་ཏུ་སྤྱོད་པར་བྱེད་དོ།། ཡང་ཁ
131b7 ཅིག་ངན་སོང་གསུམ་པོ་དང་། མནར་མེད་པ་དག་ཏུའང་གཞོལ་བར་འགྱུར་རོ།། རིགས་ཀྱི་བུ་དེ་ལྟར་ལོངས་སྤྱོད་དང་། ཉེ་བར་སྤྱོད་པ་དང་མི་ལྡན་པའི་སེམས་ཅན་རྣམས་འཁོར་བར་ཡུན་རིང་དུ་ཉམ་ཐག་པར
iiif viewer powered by OpenSeadragon
